花園餐廳 (Closed)

約左幾個朋友仔星期五放工去食飯傾計，都果朝都未諗到食咩最終我提議去花園鋸扒，大家可能都唔想諗，無咩反對聲音。我同2個朋友7點就去到花園，點知另外有個friend去錯左地方，原來佢無睇我send出黎嘅地址，就去左銀行中心上邊果間花園餐廳🤣後尾我search番原來淨係旺角就有成3間花園，所以大家都要小心d餐湯同西湯都無咩特別，都係咁上下質素。諗左陣決定今次唔食牛，轉食鐵板羊仔扒，因為我都好中意食羊，特別中意果種「蘇」味總共有3件，肉質都算嫩，「蘇」味就一般啦，但佢加左d炒蒜，放左係面，食落真係香好多，都可以再試嘅可能唔算有太多人啦，我地食完哂，飲埋杯野飲，都無趕我地，總共都吹左2個幾鐘水