豐鍋雞煲 (荔枝角道) (Closed)

呢間出名食雞煲火鍋嘅餐廳，原來比我發現佢出咗其他雞煲款式，所以今日又去試吓。我首先叫咗個螺片花膠雞煲，佢係湯上先，入面有螺片，紅棗同杞子，我見顏色好金黃，應該係老火湯，雞同花膠係同湯分開上，可以見到勁大碟非常足料，，花膠份量都幾多，仲要好厚身同好大條，之後就攞碟花膠同雞落落去，滾一滾，就可以食得，雞肉仲保持好嫩滑，啖湯飲落去好鮮甜好濃郁，呢個雞煲真係好正。蝦滑，非常爽口彈牙，mix埋d蟹子，食落有卜卜聲嘅口感。手工即炸魚皮，呢度d魚皮真係大塊到好誇張，成隻前手臂咁長，同到塊魚皮好薄身，完全唔厚炸粉，食落好脆口，原條炸魚皮，真係勁正。頂級安格斯小牛排，d牛肉嘅雪花真係好靚，脂肪分佈好均勻，入口即溶，非常淋滑，好重牛味。白菜仔，因為我地完全冇加其他湯，d菜吸收晒d雞湯精華，完全唔使點豉油都好入味。我地仲叫咗2個特飲，籃碟雪梨＆水蜜桃梳打，打邊爐唔少得飲品，呢2款特飲都幾解渴，2杯嘅顏色都好靚，有好重嘅水果味，仲要勁大杯，非常抵飲。