Video
Read full review
2019-09-18
547 views
% Arabica (中環)中環鴨巴甸街28號地下-----呢間coffee shop係IFC入面有一間 次次返工食lunch經過都見到大排長龍 想試好耐 但又一直無機會試 前兩日週末同朋友去PMQ閒逛 逛完出黎先發現原來佢係PMQ隔離開左間新鋪 新店外墻鋪左好多富大自然氣色嘅綠草黎做裝飾🌿店內則以白色同淺木色作主調 行日式簡約style 感覺淡雅得黎好文青 啱曬B仔呢d中意打卡扮曬蟹嘅偽文青😂-Spanish Ice Latte （$60) 好老實講 B仔唔係飲咖啡嘅專家 只係偶爾得閒飲下 所以唔會識少少扮代表 品評佢隻咖啡豆靚定唔靚🤣我淨係知入口好飲定唔好飲 而呢一隻西班牙latte就係令我認為好飲到不得了嘅latte 雖然咖啡味唔算太重 但入口幼滑無比 比普通咖啡更重乳糖味 口感似平時加左奶霜嘅台式奶茶 奶味濃且質感稠 非常順喉 飲完一杯都感覺意猶未盡 係平時無飲開咖啡嘅人都一定會中意嘅味道😋-Ice Latte（$50)特登叫左個普通latte做對比 呢杯latte相對西班牙latte 奶味偏淡D 甜度低D咖啡味亦相對重返少少 雖然都好飲 但味道辨識度同幼滑度始終不及我心愛嘅西
中環鴨巴甸街28號地下
-----
呢間coffee shop係IFC入面有一間 次次返工食lunch經過都見到大排長龍 想試好耐 但又一直無機會試 前兩日週末同朋友去PMQ閒逛 逛完出黎先發現原來佢係PMQ隔離開左間新鋪 新店外墻鋪左好多富大自然氣色嘅綠草黎做裝飾🌿店內則以白色同淺木色作主調 行日式簡約style 感覺淡雅得黎好文青 啱曬B仔呢d中意打卡扮曬蟹嘅偽文青😂
-
Spanish Ice Latte （$60) 好老實講 B仔唔係飲咖啡嘅專家 只係偶爾得閒飲下 所以唔會識少少扮代表 品評佢隻咖啡豆靚定唔靚🤣我淨係知入口好飲定唔好飲 而呢一隻西班牙latte就係令我認為好飲到不得了嘅latte 雖然咖啡味唔算太重 但入口幼滑無比 比普通咖啡更重乳糖味 口感似平時加左奶霜嘅台式奶茶 奶味濃且質感稠 非常順喉 飲完一杯都感覺意猶未盡 係平時無飲開咖啡嘅人都一定會中意嘅味道😋
-
Ice Latte（$50)特登叫左個普通latte做對比 呢杯latte相對西班牙latte 奶味偏淡D 甜度低D咖啡味亦相對重返少少 雖然都好飲 但味道辨識度同幼滑度始終不及我心愛嘅西班牙latte 😆
-
♥︎除左咖啡 店內仲有賣咖啡豆 另外要注意嘅係 呢間係一間專注係咖啡嘅coffee shop 係無食物賣ga~
-----
👶🏻B仔整體評價：8.4/10個👍🏻
👶🏻B仔抵食程度：7/10個👍🏻
👶🏻B仔環境評分：8.5/0個👍🏻
👶🏻B仔味道評分：9/10個👍🏻
👶🏻B仔回頭機會：9/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcentral
Post
