茶木‧台式休閒餐廳 (Closed)

抓著暑假的尾巴 ，今次係同做學校社工的朋友B 食個下午茶。 今次佢揀咗位於瓊華中心嘅茶木， 對茶木嘅印象唔錯，選擇多水準亦都不錯， 而且瓊華中心嘅茶木，地方有夠大，坐得舒服，入面裝修亦都好似入咗樹林一樣， 都幾骨子。 兩個人獲安排坐窗邊嘅卡位， 唔會坐到背隻貼背隻， 先係環境方面已經攞滿分。 兩個人食下午茶唔係叫咗好多嘢: 甜蜜糖心蛋配芝心雞翼 溏心蛋蛋黃半仍充滿蛋香， 整體隻色就知已經係靚蛋。 芝心雞翼已經去咗骨，啱曬懶人， 趁熱食咬開中間，d 芝士係咁流出嚟， 雞翼炸得金黃，而且入面加添咗蘑菇增加口感。 - 滷肉燥刈包 呢一個係個set嚟，唔單止淨係有個包，仲有沙律同埋炸番薯條。 刈包滷肉鹹鹹香香， 仲有幾片青瓜 平衡山滷肉的油膩感。 炸蕃薯條炸得金黃外脆內嫩， 沙律菜夠新鮮。 熱黑糖冬瓜茶 一大杯溫熱補身 台式酸梅冰 酸酸咪咪不過甜， 大熱天時攞一杯夠曬爽。