肉浦團火鍋放題

Open Now

Now Closed

呢間港式火鍋店，玩味十足，加入咗食神嘅電影元素，別具風格，而且地方十分寬敞，坐得舒適。火鍋套餐共有4個，按所選肉類而定，最平$248起，供應湯底多達8款。我揀咗M5M8和牛Set。湯底必試花雕醉雞湯底，湯頭以紅棗、杞子等藥材熬煮，飲落甘甜夠滋補，而且每鍋伴有肥美厚實嘅雞件，吸盡湯汁精華夠入味，另外仲附上花雕酒畀你隨時後加增添風味。肉類同海鮮亦都有唔少選擇；美國安格斯牛頸脊、澳洲M5和牛肩脾、澳洲M8臀腰肉心、美國安格斯牛背峰、鹿兒島黑豚肉、美國安格斯牛板腱、薄切封門柳、牛骨髓、牛滑、牛胸爽、雞子、手打豬肉滑、帶子、原隻魷魚仔、廣島蠔、越南虎蝦等等。自助吧供應多款不同丸類、新鮮蔬菜同配料，選擇多多眼花繚亂，另有港式熟食提供；炸魚皮同咖喱魚蛋等等。餐廳比坊間供應更多配料，重點是一個價錢無限任飲任食，最啱一班朋友打邊爐gathering！最後送上二選一甜品Häagen-Dazs雪糕或芝士蛋糕。食完發現依家做緊優惠，星期日至四，二人同行一人半價，真係抵食！