滾喜火鍋專門店 (Closed)

天氣開始涼，突然想食火鍋。上網搵咗間食雞煲火鍋嘅，好耐未食過啦。滾喜火鍋專門店位於旺角通菜街，喺攤檔兩旁，比較難搵。火鍋店主打麻辣火鍋同埋芝士火鍋，其實個人唔係好食得辣，不過朋友鍾意食麻辣火鍋，所以揀咗。最小辣嗰款辣嘅程度，就算平時唔食辣嘅人都可以接受。先食雞煲，後食火鍋。都有幾多肉，唔會嚿嚿都好多骨。食物係真係香口開胃，想食多幾塊但係又想留肚打邊爐，真係幾矛盾。呢間餐廳係採取火鍋放題形式，有三款價錢，分別可以點唔同嘅牛肉類。最平嗰隻係美國肥牛，先後係安格斯，最後就係高級安格斯。我哋點咗中間嗰款，208蚊一個人，未計加一。安格斯肥牛 (⭐⭐⭐⭐⭐)安格斯肥牛好林，好易咀嚼，同埋保留到牛肉嘅鮮味，係唔錯嘅選擇。豚肉 (⭐⭐⭐⭐💢)由於唔想咁悶淨係食牛同埋雞，另外我哋仲點咗豚肉，點嘅份量唔係好多。幾值得一試，薄身嘅切片方便快速熟透。生菜、粟米、豆腐 (⭐⭐⭐⭐⭐)健康之選嘅有蔬菜類。我哋點咗生菜，另外仲有粟米同埋豆腐。豆腐係幾香滑嘅，而且唔會一撈起來就散曬。稻庭烏冬 (⭐⭐⭐⭐⭐)最後點咗烏冬，雖然已經飽飽哋，但係烏冬作為結尾真係冇得頂。火鍋煮剩啲湯所煮嘅烏冬係最美味嘅。稻庭烏冬食落都幾爽