Owens (砵蘭街)

Open Now

Now Closed

太子砵蘭街有好多特色小店經營既餐廳，路過時每間都想入去試去，今日去左呢間OWENS西式餐廳，個門口已經好吸睛，好文青好適合打卡，入到餐廳感覺好光猛，好乾淨企理。今次最想講返唔係食物，係職員嘅服務態度。佢哋個個職員都好友善及專業，香港地真係買少見少。我夜晚就食咗個dinner set，另外加$38可以追加其他小食或者甜品， $200多少少就食到超級飽。我叫咗個紅酒汁燴牛胸腹意大利飯，啲牛胸腹真係好腍又有淡淡紅酒汁嘅味。通常食意大利飯都好怕好生，但係佢煮得啱啱好，好易入口。追加小食，我就叫咗意式白酒煮蜆，蜆肉好新鮮，再加上佢落咗唔同嘅紅黃椒，鮮味好突出。佢個湯都好值得一提，係甘筍湯，勁Creamy ！我成碗飲晒，一滴都冇剩。甜品係牛角窩夫配雪糕，雪糕就平常嗰啲，但係個窩夫就熱辣辣又脆身。雙劍合璧，完全夾晒。總之成個進餐過程都好滿意，少見完美嘅感覺。