グリル滿天星

Open Now

Now Closed

 本身係一個鍾意食蛋包飯既人，亦都食過唔同餐廳既蛋包飯，但係呢間既蛋包飯竟然可以賣到超過200蚊一碟，好奇心驅使下，去試左一次，冇諗過咁貴都仲有咁多人排隊食😳鋪頭主要就係食蛋包飯、咖喱飯、仲有各式小食同埋鐵板料理。食完之後覺得，好食係幾好食既，但好食到比我一種wow超曬班既感覺，200幾蚊真係太貴，食過一次之後唔會再食🙈   1⃣️滿天星肉汁漢堡扒蛋包飯（$238） 呢個算係佢地既招牌菜，首先蛋包飯既蛋係真係靚既，色澤望落已經同出面一般蛋包飯唔同，食落都有蛋香同埋算嫩滑既，用既係蘭王蛋👍肉汁係用酒同牛肋骨熬製，食落味道幾香，不過有啲鹹。漢堡扒好厚，食落牛味好重，都幾juicy😋蛋包飯用既係炒飯，係茄汁底既，配上菇、火腿、粟米、帶子、蝦、青豆炒埋一齊，味道都幾好，就咁食都已經幾好食。不過overall覺得呢個價錢實在太貴🤔  2⃣️滿天星肉汁忌廉蟹肉餅蛋包飯（$208） 忌廉蟹肉餅淋上左茄汁，茄汁係偏抽身偏酸既，蟹肉餅炸得好脆，真係食到絲絲蟹肉🤤中間既部分係軟心幼滑既忌廉，幾好食～  、