楚撚記大排檔 (寶光大廈)

Open Now

Now Closed

之前經過呢間大排檔，見到門口好多人等，心諗一定好好食，決定要搵日黎會一會佢。早兩日朋友吹雞食飯，我就特登提議呢間，小炒多人食，可以叫多啲餸😎。我哋叫咗好多個餸，上枱個樣都好唔錯，但食落啲味道竟然好麻麻。大排檔通常都會重口味啲，但佢就好多都冇乜味道❓❓好似豉椒炒蜆咁，個蜆感覺似係用水灼，跟住先至炒，冇蜆味又比較水。金磚豆腐粒個精粹係皮要薄+脆，入面豆腐要熱+嫩滑先至好食，但佢個炸皮好厚身，食落完全唔香口。本身叫嘅餸其實唔係好夠食，但見咁嘅情況，都冇意欲再加餸了。可能期望越大，失望越大。見到咁多人等位，對佢嘅食物好有期望，但出到嚟竟然係咁，好不解點解咁多人會幫襯。