Video
Read full review
2023-08-28
108 views
去過幾間餐廳，儲咗幾篇食評想慢慢同大家分享，估唔到呢一篇可以跑出成為我嘅No.1，實在打遲D都驚唔記得呢個咁「特別」嘅用餐體驗一直都聽聞觀塘多好嘢食，但平日放工放得夜又怕人多，所以特登捉住暑假嘅尾巴，揀左8月最後一個weekend嚟食好西。我同朋友都鐘意食日式串燒，第一擊就係嚟食Bookmark List 第一位既「鳥棲日本料理」 我哋一行二人冇Book位，6pm上到去，我估我哋應該係當日晚市嘅第一枱客。入到去第一個感覺係: 全場都有唔少梳化位，空間夠晒闊落唔會話枱貼枱，吹水食飯都坐得舒服嘅，同埋個冷氣好強勁～我哋點咗：1)阿波尾雞烏棲盛盒 2)串燒: 燒冬菇、燒菠蘿、荔枝豚肉、和牛粒 3) 花魚一夜干------------------------------1)阿波尾雞烏棲盛盒 呢個盛盒 共有7串燒物 (左至右：免治雞肉棒、雞心、雞皮、雞軟骨、雞胸軟骨、雞肉、雞尾、雞翼)。侍應放低時未有介紹呢７串係乜嘢嚟，好彩轉頭相信係廚師嘅男人行出嚟同我地介紹返，咁我哋都立即開餐喇。味道唔錯有雞嘅鮮味，燒得外脆內Juicy，唔會乾到縮埋一舊。2)串燒: 燒冬菇、燒菠蘿、荔枝豚肉、和牛粒 唔知係
一直都聽聞觀塘多好嘢食，但平日放工放得夜又怕人多，所以特登捉住暑假嘅尾巴，揀左8月最後一個weekend嚟食好西。
我同朋友都鐘意食日式串燒，第一擊就係嚟食Bookmark List 第一位既「鳥棲日本料理」 我哋一行二人冇Book位，6pm上到去，我估我哋應該係當日晚市嘅第一枱客。入到去第一個感覺係: 全場都有唔少梳化位，空間夠晒闊落唔會話枱貼枱，吹水食飯都坐得舒服嘅，同埋個冷氣好強勁～
我哋點咗：
1)阿波尾雞烏棲盛盒
2)串燒: 燒冬菇、燒菠蘿、荔枝豚肉、和牛粒
3) 花魚一夜干
------------------------------
1)阿波尾雞烏棲盛盒
阿波尾雞烏棲盛盒
$248
15 views
0 likes
0 comments
侍應放低時未有介紹呢７串係乜嘢嚟，好彩轉頭相信係廚師嘅男人行出嚟同我地介紹返，咁我哋都立即開餐喇。味道唔錯有雞嘅鮮味，燒得外脆內Juicy，唔會乾到縮埋一舊。
2)串燒: 燒冬菇、燒菠蘿、荔枝豚肉、和牛粒
串燒
5 views
0 likes
0 comments
- 唔甜不特止，佢酸嘅程度即情可以用"酸到盲嘅都開返眼"嚟形容；
- 成舊燒菠蘿都係渣，唔講以為自己食緊條甘蔗，咬晒D好酸嘅汁就直接𦧲返D渣出嚟
3) 花魚一夜干
花魚一夜干
$85
8 views
0 likes
0 comments
——————————————————————————————
題外話：要同大家分享嘅「特別」嘅用餐體驗，唔係嚟自食物，係嚟自佢哋嘅服務。當晚樓面只有兩位侍應，其中一位妹妹應該係新人，見到成熟D嗰位姐姐有教佢點樣落單，點樣收Credit Card錢etc.
✪ 請侍應幫忙加水，妹妹加咗一杯，問我哋另一杯需唔需要加?!!! 一時之間....呢個問題都要 Load一Load... 「要吖，唔該！」
✪ 食到中途，終於有其他客人，係一家三口嘅Walk In 客， 爸爸問侍應餐廳會唔會有"ＢＢ櫈"，侍應安排之後，爸爸再問＂係咪有Discount?!" 。姐姐侍應表示要預先網上訂位先會有discount，爸爸再三表示自己「上次嚟都有Discount」，呢個對話來回咗兩個回合，姐姐侍應表示可以照俾Discount佢哋 What??!! 坐喺隔籬嘅我哋表示「情何以堪」當然，我哋自己冇提早訂位，所以我哋都唔會咁樣Ｒ返要discount！
✪ 我哋又魚又雞又串燒，但完全冇安排碟/竹籤筒俾客人放雞骨/魚骨/竹籤，要主動問侍應拎先有。去到用餐尾聲，妹妹侍應又拋出一句令全枱靜止咗兩秒嘅問題：「仲要唔要呀」 What??! 呢碟擺明成碟都係籤同骨嚟....UM.....或者下次試吓問客人：「需要幫你換過隻碟嗎?」咁樣會令客人感 受好d，至少唔會令客人閃出一秒 "Are u kidding me?!!"嘅念頭囉
✪ 最最最最最後， 由入座到第一道菜"烏棲盛盒 "上枱都有10-15mins，之前睇openrice知道應該係有餐前小食嘅。但我就一直都等唔到「佢」嘅出現。我諗會唔會因為我冇訂位／唔係食Set?!! 但當我眼見另外的兩枱客（分別係Walkin R 到Discount 同埋有訂位的) 都有小食的時候，結帳後我就問姐姐侍應。佢嘅答案係：「哦，係有嘅，但唔記得咗俾你哋，當記得的時候主菜已經上枱，而家俾返你啦，好唔好?」 吓？我單都埋咗啦，其實客人唔係執著於個前菜，只係侍應嘅態度！就好似「哎呀！俾你發現咗添，俾返你囉」咁樣！係客人的錯?!!!
公道的說，妹妹侍應係新手，服務有不足之處係情有可原。用餐初段只係得一枱食客，唔係爆場，熟手同事 (姐姐侍應) 傍住個新人教佢斟水換碟係好好嘅Timing,，可惜作為客人的就只聽到佢哋高談闊論飲咩手搖飲品好.....
綜合以上嘅服務質素，加上好一般的食物，性價比不高，確實好難會有二訪嘅機會了。
Post
