Video
Read full review
2020-09-28
1002 views
屋企人生日，要近近哋食餐飯，想食西餐又响黄埔，呢間睇怕都無走雞。用 Open Rice 訂位仲有 Asia Miles 里數添，雖然唔知幾時先可以飛？叫咗個斧頭扒二人餐再加兩個 set dinner五個人share。先講頭盤，有蝦凱撒沙律同凍蝦，另外加咗生蠔。凍蝦夠爽，彈牙。蠔呢就細細隻，食落幾清甜，唔會大陣鹹海水味。當然又有 cocktail sauce 同檸檬跟埋。南瓜蓉湯好香濃，夠味夠熱。斧頭扒好大件，份量十足。跟烤蒜頭，薯條，薯蓉同少少蔬菜。味道ok 幾 juicy，不過個扒有啲筋，比較難切。另外一個魚餐同龍蝦意粉餐就正正常常。最後都係食唔曬，半個意粉要打包。tiramisu，梨撻加咖啡作完結。梨撻又香又鬆化。唔錯，不過咖啡再熱啲就好。有個經理介紹得好詳細，好好招呼，好好笑容。不過有個waitress 幫我哋寫餐茶時好似好唔耐煩咁，叫我哋諗下先。之後返嚟落單又無笑容，語氣好一般。其實無論啲嘢幾好食，有個唔好嘅 waiter 或 waitress 會影響成餐飯嘅體驗！
叫咗個斧頭扒二人餐再加兩個 set dinner五個人share。
先講頭盤，有蝦凱撒沙律同凍蝦，另外加咗生蠔。凍蝦夠爽，彈牙。蠔呢就細細隻，食落幾清甜，唔會大陣鹹海水味。當然又有 cocktail sauce 同檸檬跟埋。
南瓜蓉湯好香濃，夠味夠熱。
斧頭扒好大件，份量十足。跟烤蒜頭，薯條，薯蓉同少少蔬菜。味道ok 幾 juicy，不過個扒有啲筋，比較難切。
另外一個魚餐同龍蝦意粉餐就正正常常。最後都係食唔曬，半個意粉要打包。
tiramisu，梨撻加咖啡作完結。梨撻又香又鬆化。唔錯，不過咖啡再熱啲就好。
有個經理介紹得好詳細，好好招呼，好好笑容。不過有個waitress 幫我哋寫餐茶時好似好唔耐煩咁，叫我哋諗下先。之後返嚟落單又無笑容，語氣好一般。其實無論啲嘢幾好食，有個唔好嘅 waiter 或 waitress 會影響成餐飯嘅體驗！
Post
