上海弄堂菜肉餛飩 (Closed)

今晚去完灣仔行街，朋友仔話聽講附近有間上海菜都幾好味，所以我地就去咗試下。一入去就餐廳就覺得間餐廳幾有格調，有點懷舊的典雅feel，中國味。服務員態度友善而且溫文。地方亦非常乾淨，坐得都舒服。一大開個Menu就想叫好多嘢食，但係得兩個人，所以就叫左以下嘅嘢食。總括嚟講啲嘢食都好食同滿意。素菜餛飩$46-個餛飩比我想像好食好多。個雲吞皮煙煙韌韌，外面仲滑滑地，容易入口。裏面有好多種唔同嘅素菜料，有不同蔬菜的清甜味，仲有一啲菜汁，真係好好味。小籠包$35-個小籠包同出平時系出邊食嗰啲，有一啲唔一樣，個皮比較有啲質感，比較厚啲，皮都好味。重要係小籠包啲湯真係好清甜，同好有肉味，又鮮。糖醋魚塊$112-魚塊外皮炸得脆，魚肉又滑，有魚味，一啲都唔腥。個汁煮得好唔錯，酸酸甜甜好開胃。扁尖毛豆素雞$75-素雞有好香嘅大豆香味，滑滑地，又好有𡁻頭。冬菇清甜又有冬菇味。清清地又夠味，唔錯。蔥油拌麵$38-個啲麵條煮得啱啱好，又唔硬又唔冧，韌韌地幾好食。又有乾蔥味嘅豉油混在一起，啲乾蔥爆得好香，有濃烈嘅蔥香味。啲豉油又唔會太咸剛剛好。