金滿庭京川滬菜館 (九龍東智選假日酒店) (Closed)

今年慶祝父親節一家人到此晚飯，此館位於東智選假日酒店樓上，隔離就係皇冠假日酒店，第一次好易去錯隔離酒店。飯局預早一星期前訂位仍有獨立房享用，房間不算大一圍枱剛好的空間而已，房內細講野比較應聲。父親節應節套餐有多種選擇，我們點了可供6人享用套餐($1520)再散叫幾款小菜。桌上放置四碟小食包括小魚乾花生、西芹木耳、炒蒜苗、糖醋排骨，味道不錯的飯前小食。前菜有三款包括花雕醉雞、招牌燻魚和青瓜老醋蜇頭，份量比預期多。花雕醉雞冷盤夠凍，雞砍件較大，酒味濃雞肉入味肉質嫩滑。招牌燻魚魚腩肥美肉滑，魚皮脆口沾上糖醋醬汁好美味。青瓜老醋蜇頭青瓜沒有拍過即使切細了總係覺得不夠入味，海蜇頭不夠肥大肉厚欠點爽口。宮保明蝦球蝦夠新鮮肉質爽口彈牙，蝦球沾了薄粉油泡過好索汁，酸甜醬汁食落好開胃。砂窩雲吞雞份量相當大窩，每人可添兩碗，好多娃娃菜和小棠菜，砂鍋好保溫可熱住食，湯底清，菜肉雲吞皮薄餡靚，雲吞偏細粒，雞肉不夠淋。鐵板京蔥爆牛肉好有鑊氣好多京蔥爆得好惹味，牛肉口感嫩味道不錯。紅燒黃魚魚身淋上味濃色重的醬汁，黃魚肉質鮮嫩細緻甜美。火腿炆津白火腿咸香湯汁味令津白食落份外清甜，份量不算多淺嚐已足夠，反正仲有其他野