Video
Read full review
2022-11-19
550 views
野食OK，但對於佢地處理問題嘅態度，覺得非常不OK。好想食呢間嘢好耐，今日去左食。係覺得幾好食嘅，特別係蓮藕同豬手。但係去到最後，突然之間比左兩碗紅糖冰粉比我， 我無影到相….. 我無叫過呢啲嘢，佢地比我嘅時候，我以為係送嘅。 點知佢地落錯檯，但係佢地無拎返，利申，佢地知道左落錯檯，係無黎同我地拎嘅。最後埋單嘅時候見到佢地加左果兩碗紅糖冰粉落張單度。 之後我同佢地講返，我話我以為係送嘅，如果係你地落錯檯，係唔可以叫我幫你埋單。跟住個工作人員話，係另外一位同事落嘅單，但係佢行開左，話唔到事，我話OK，無問題，我可以等佢。大約等左十幾二十分鐘，有個姐姐行過來了解發生咩事，我同佢解釋完之後，佢就話，算啦，唔同你吵，費事煩，幫你免單兩碗冰粉嘅錢。最後係免左果兩碗冰粉嘅錢，但係當時真係嬲到爆炸，咩叫唔同我吵？ 費事煩，你做生意，自己落錯檯，之後無拎返，仲要個客埋單，我同你解釋情況，你話我同你吵？我開開心心，滿懷期待去食飯，唔係想貪你小便宜啊，你搞清楚，係你地落錯檯，我只係維護自己（消費者）嘅權益！其實我覺得去餐廳食野，難不免都會有落錯檯嘅問題出現，你如果同我解釋，因為落錯檯，唔會比其他客人ga啦
好想食呢間嘢好耐，今日去左食。係覺得幾好食嘅，特別係蓮藕同豬手。但係去到最後，突然之間比左兩碗紅糖冰粉比我， 我無影到相….. 我無叫過呢啲嘢，佢地比我嘅時候，我以為係送嘅。 點知佢地落錯檯，但係佢地無拎返，利申，佢地知道左落錯檯，係無黎同我地拎嘅。
最後埋單嘅時候見到佢地加左果兩碗紅糖冰粉落張單度。
之後我同佢地講返，我話我以為係送嘅，如果係你地落錯檯，係唔可以叫我幫你埋單。
跟住個工作人員話，係另外一位同事落嘅單，但係佢行開左，話唔到事，我話OK，無問題，我可以等佢。
大約等左十幾二十分鐘，有個姐姐行過來了解發生咩事，我同佢解釋完之後，佢就話，算啦，唔同你吵，費事煩，幫你免單兩碗冰粉嘅錢。最後係免左果兩碗冰粉嘅錢，
但係當時真係嬲到爆炸，咩叫唔同我吵？ 費事煩，你做生意，自己落錯檯，之後無拎返，仲要個客埋單，我同你解釋情況，你話我同你吵？
我開開心心，滿懷期待去食飯，唔係想貪你小便宜啊，你搞清楚，係你地落錯檯，我只係維護自己（消費者）嘅權益！
其實我覺得去餐廳食野，難不免都會有落錯檯嘅問題出現，你如果同我解釋，因為落錯檯，唔會比其他客人ga啦，依家疫情，希望可以體諒下，我都OK啊，你可以加埋入單。但係你無經過客人嘅同意就亂咁落單落去，最後我好有耐性等你十幾二十分鐘，要嘅唔係你咁樣嘅解決問題的態度！
兩個人食左大約三百幾蚊， 會去貪你果22蚊一碗嘅冰粉咩？
如果服務嘅分數有負分，我真係比負粉！
你地真係犀利，令一個根本唔想評論嘅人，會第一次寫呢篇評論！
Post
