滿江紅小甜甜 (Closed)

旺角有一間餐廳都幾出名，主要都係食中國嘅菜式，我哋就叫咗啲特色野試一試。椒鹽豆腐粒$45因為自己係屋企煮好難煮得好食，出街食通常啲豆腐粒出面個皮都可以做到比較硬淨，裏面嘅豆腐同時保持嫩滑，但係食落去鹹香十足。小甜甜招牌雞皇$68例牌原來呢一款招牌雞係凍食，食落口都好滑而且有啲胡麻醬令味道更加香濃。干鍋鴨舌$108你見到裏面有好多辣椒，但係其實我哋已經叫咗BB辣，所以表面嘅辣椒其實唔算太辣，但係鴨舌個質感都好得意，有鹹香有彈性，裏面有軟骨可以隨意食或者唔食。川芎白芷天麻燉魚頭$62呢個湯真係見證住佢每一日限量，佢有張紙會寫低啲湯賣出左幾多，真係花好多時間去煲。所以個口味都好濃郁，非常入味，除咗啲類似藥材嘅材料之外，可以食埋個魚云。回鍋牛展$62除咗本身啲牛展之外，隔離仲有好多配菜都係炒得好香，當然牛展夠入味就更加好食。$8 x 2 茶位仲可以有菊花茶飲，唔需要加錢都算係幾特別。