Video
Read full review
2022-08-15
425 views
敘福樓集團除咗好出名嘅牛角、牛涮鍋，前排開咗新系列喺旺角，主打台式火鍋！店內播住台灣歌嘅純音樂～另外一入到去就留意到一部自動機械人，運輪用過嘅碟返廚房，都幾得意！邊爐有4個set可以揀，越貴就食到越多款式，除咗係肉嘅款式同種類，仲有啲特別少少嘅鍋物，而level 3同level 4仲會有海鮮𠻹~ 我哋兩次都揀咗level 3～ 晚餐時段係可以食120分鐘㗎，比牛涮鍋耐啲～•🥢 湯底有啲較台式嘅選擇：麻辣鴨血藥膳鍋同酸菜白肉鍋～ 不過之後加湯就得雞湯可以揀，同埋要自己喺自助區拎湯加🙈📸 好呷麻辣鴨血藥膳鍋 - 呢個鍋無想像中咁辣，唔食得好辣都挑戰到😌 鍋入面有好多香料/藥材籽，要留意住加湯，唔係好易燶，鴨血正常，仲可以refill幾好～另外呢個湯底附人參沾醬嘅人參味好濃！📸 好呷酸菜白肉鍋 - 個湯底好夠酸，入面除咗有腩肉片同酸茶，仲有好彈牙嘅粗粉絲/薯粉😋 估唔到呢個湯煮耐咗都keep到酸味，淥菜/蜂巢豆腐超正👍🏼📸 香濃沙茶豬筒骨鍋 - 真係好濃郁好夠味，仲有啲花生粒，淥完嘅嘢食基本上都唔使點醬🤣•🥢 鍋物 鍋物可以scan QR code落單/去自助區拎，QR code落單嘅其實都
店內播住台灣歌嘅純音樂～另外一入到去就留意到一部自動機械人，運輪用過嘅碟返廚房，都幾得意！
邊爐有4個set可以揀，越貴就食到越多款式，除咗係肉嘅款式同種類，仲有啲特別少少嘅鍋物，而level 3同level 4仲會有海鮮𠻹~ 我哋兩次都揀咗level 3～ 晚餐時段係可以食120分鐘㗎，比牛涮鍋耐啲～
•
🥢 湯底
有啲較台式嘅選擇：麻辣鴨血藥膳鍋同酸菜白肉鍋～ 不過之後加湯就得雞湯可以揀，同埋要自己喺自助區拎湯加🙈
📸 好呷麻辣鴨血藥膳鍋 - 呢個鍋無想像中咁辣，唔食得好辣都挑戰到😌 鍋入面有好多香料/藥材籽，要留意住加湯，唔係好易燶，鴨血正常，仲可以refill幾好～
另外呢個湯底附人參沾醬嘅人參味好濃！
📸 好呷酸菜白肉鍋 - 個湯底好夠酸，入面除咗有腩肉片同酸茶，仲有好彈牙嘅粗粉絲/薯粉😋 估唔到呢個湯煮耐咗都keep到酸味，淥菜/蜂巢豆腐超正👍🏼
📸 香濃沙茶豬筒骨鍋 - 真係好濃郁好夠味，仲有啲花生粒，淥完嘅嘢食基本上都唔使點醬🤣
•
🥢 鍋物
鍋物可以scan QR code落單/去自助區拎，QR code落單嘅其實都係跟據揀嗰個餐而有唔同嘅食材，即係肉類、少量丸同海鮮，出去拎就多數係蔬菜同丸類～
📸 牛肉 - 全部都切到薄到透光，淥完好易唔見咗，食落無乜口感🥺 幾款牛入面稍為好食啲嘅就係牛小排，牛味濃啲～
📸 豬&羊- 呢兩款就正常得多，起碼有返啲厚度/大塊啲，不過其中有一碟會肥啲，質素可能有啲參差~
📸 櫻花蝦墨魚滑 - 好彈牙，仲有好香櫻花蝦味，有驚喜！😍
📸 花膠 - 好爽口，同酸菜湯都幾夾😛
📸 墨魚仔 - 彈牙嘅，但無乜味，唔太啱打邊爐～
•
🥢 台灣小食
另一個好有台灣特色嘅位就係有幾多唔同款式嘅台灣熟食小食🤩 整體熟食幾出色！
📸 炸物(鹽酥雞、炸豆腐、炸花枝丸、芋泥地瓜球…) - 大部分都係椒鹽味，keep到脆脆地，但無keep到好熱😢 芋泥地瓜球真係同台灣夜市食到嘅一樣，可惜佢會好頂肚，所以只係食咗一粒🫢
📸 台灣腸 - 有一直用機碌住，幾好食～
📸 鹽水雞 - 可以自己加醬同配料，雞肉幾滑
📸 麻辣小食 - 幾惹味🤤
📸 麻香辣味爆米花 - 係麻辣鍋味爆谷，好新奇
📸 滷味 - 普普通通
•
🥢 飲品
除咗放題店見到嘅罐裝/紙包飲品，呢到仲有手搖飲品、冷泡茶同埋熱飲～ 但原來唔係每日都有齊4款嘅手搖飲品，本身想試黑糖珍珠奶茶/愛玉冬瓜茶，但嗰日都無🥲
📸 白桃烏龍 - 淡淡嘅白桃香，烏龍茶味比較出，好解膩👍🏼
📸 台灣蘋果西打- 台灣嘅回憶～ 細細罐，加咗啲落烏龍到都幾正🤪
📸 芋香珍珠奶茶- 芋香奶茶唔會太甜，幾啱解辣飲！但珍珠有啲硬，飲完都會飽飽地🙈
📸 茉香綠茶 - 甘苦味比較出，唔太有茉香，比較一般😬
•
🥢 甜品 - 好呷綜合紅豆湯
餐牌上其實只有一款甜品，身為甜品控嘅我梗係幾飽都叫嚟試吓😛 點知就中咗大伏🚁🚁🚁😭 其實佢嘅配料好豐富，有蜜紅豆、紫薯圓、地瓜圓、芋泥同仙草～蜜紅豆都夠腍同甜嘅，但啲圓就太腍，無乜咬口，芋泥有啲死甜同無芋頭味，而最❗️伏❗️嘅就係個仙草🤮 質地係比台灣仙草硬身少少，但係苦㗎‼️ 好似龜苓膏咁🤢 同其他配料完全唔夾🥴
好呷綜合紅豆湯
6 views
0 likes
0 comments
另外揀level 3 / 4嘅餐係會每人有一盒movenpick雪糕～🍨
Post
