幸福班戟 (新城市廣場) (Closed)

星期日難得早起身，食返個豐富既brunch好好享受一下，突然間好想食日本既班戟呀，見幸福班戟唔使排隊又少人，可以坐得舒舒服服。由於一大早未食野，所以揀咗鹹班戟，下次先試佢地既甜班㦸啦。我地叫咗全麥班戟配芝士蘑菇奄列$98同三文魚牛油果芝士慕絲班㦸$108所有班戟都係即叫即整，保證熱烘烘同新鮮。所以等候都要預返15分鐘左右啦。賣相好精緻，急不及待要即刻食。鹹班㦸係加左麥去整，食得出有麥味，味道唔錯呀，幾特別。奄列裏面既芝士仲係溶絲既狀況，仲有大量既蘑菇非常滿意。班㦸既質感唔算屬空氣感，但口感都係軟綿帶少少實淨。所以食完之後帶點飽肚感，另外沙律菜份量多而且新鮮爽口加埋個沙律醬亦清新唔會油膩，很好既配搭。