Video
Read full review
2023-04-20
45 views
銅鑼灣呢間居酒屋已經開業好多年，極具人氣，相信食物質素有一定保證，以木系係做裝修主題，有去咗日本嘅感覺我哋見到二人Special set 做緊八五折，套餐價錢$1488，已經包括沙律🥗，小食，刺身，主食，海鮮，烏冬，甜品🍮，CP值相當高，一於試吓✨鮮菜沙律有青瓜，紅蘿蔔條，椰菜，先清清你嘅味蕾，✨蟹肉芝麻凍菠菜蟹肉好多好鮮甜，波菜凍食特別爽脆，作為前菜非常開胃✨鱈魚乾係高級版嘅魷魚絲，鱈魚乾入口香脆，簿簿一條，連埋蛋黃醬更加惹味✨愛知縣白象拔蚌刺身廚師刀工非常厲害，切到簿簿一片，非常新鮮，所以超鮮甜爽脆✨味噌燒龍蝦🦞龍蝦超大隻，非常鮮甜，肉質好爽口彈牙，蝦頭仲有非常多蝦膏，簡直係成隻蝦嘅靈魂，面頭加上日本味噌，估唔到出奇咁夾✨手造豆腐外層燒到非常香脆，加上日本醬油一齊食更加惹味✨自家製月見免治雞肉棒雞肉非常嫩滑，配合埋橙黃色嘅蛋黃，十分Juicy，都係其中一個必食推介✨蘆筍豬肉卷呢個簡直係我嘅最愛，蘆筍配豬肉口感原來係咁清新，蘆筍燒完仲可以保持翠綠爽口✨紐西蘭活蟶子蟶子好新鮮，洗得好乾淨，一啲沙都無，配埋特製嘅醬汁好惹味✨味噌帆立貝大大粒，厚實且呈圓，裙邊爽甜，味噌可以帶出帆立貝嘅鮮甜
我哋見到二人Special set 做緊八五折，套餐價錢$1488，已經包括沙律🥗，小食，刺身，主食，海鮮，烏冬，甜品🍮，CP值相當高，一於試吓
✨鮮菜沙律
有青瓜，紅蘿蔔條，椰菜，先清清你嘅味蕾，
✨蟹肉芝麻凍菠菜
蟹肉好多好鮮甜，波菜凍食特別爽脆，作為前菜非常開胃
✨鱈魚乾
係高級版嘅魷魚絲，鱈魚乾入口香脆，簿簿一條，連埋蛋黃醬更加惹味
✨愛知縣白象拔蚌刺身
廚師刀工非常厲害，切到簿簿一片，非常新鮮，所以超鮮甜爽脆
✨味噌燒龍蝦🦞
龍蝦超大隻，非常鮮甜，肉質好爽口彈牙，蝦頭仲有非常多蝦膏，簡直係成隻蝦嘅靈魂，面頭加上日本味噌，估唔到出奇咁夾
✨手造豆腐
外層燒到非常香脆，加上日本醬油一齊食更加惹味
✨自家製月見免治雞肉棒
雞肉非常嫩滑，配合埋橙黃色嘅蛋黃，十分Juicy，都係其中一個必食推介
✨蘆筍豬肉卷呢個簡直係我嘅最愛，蘆筍配豬肉口感原來係咁清新，蘆筍燒完仲可以保持翠綠爽口
✨紐西蘭活蟶子
蟶子好新鮮，洗得好乾淨，一啲沙都無，配埋特製嘅醬汁好惹味
✨味噌帆立貝
大大粒，厚實且呈圓，裙邊爽甜，味噌可以帶出帆立貝嘅鮮甜味
✨加拿大海膽伴冷稻庭烏冬
海膽非常飽滿，入口充滿鮮味，烏冬煙煙韌韌，爽口彈牙，仲有隻鵪鶉蛋，加冷麵汁撈埋一齊食，冰涼感覺超爽
✨馨和手工啤酒🍻$72
職員介紹，麥味好濃，更可品嘗到啤酒花的香氣
✨乳酸味汽水$54
唔會太甜，好解渴
✨窩夫
中間雪糕超重奶味，作為甜品🍮，依餐實在太完美
Post
