Video
Read full review
2022-09-06
175 views
今日，約左班朋友去棉登徑既木戶食串燒！之前來食過lunch，佢既鍋物同埋南蠻雞都唔錯，所以對呢度，係有信心既。以福岡水果蕃茄打頭陣，呢期都吃過唔少次此品，清甜多汁，炎炎夏日食呢個來打開胃口，岩數。福岡蕃茄好味，福岡既青椒其實都好有水準，爽脆清甜，配些咸香的麵豉醬一齊食，幾有驚喜。鰻魚肝係香港比較少機會食，甘香而口感帶點點煙韌，不俗。接著來是一系列的串燒，雞腎爽脆而唔會硬轟轟；大和雞腿肉，是真正有肉味，加上炭火香，好吸引。燒雞肉丸咬落唔會好鬆散，中意佢混入軟骨，口感更加豐富，沾上日本蛋既蛋汁同吃，那有不好吃的可能?韭菜芝士豚肉卷，豚肉與芝士從來合拍，帶點生的韭菜，那股微微的辛辣，亦非常討我歡心。愈邪惡既東西就愈好食，跟住嚟既大和雞雞肝，粉嫩可口，只能大說一句膽固醇萬歲。牛舌唔係厚切，不過口感還好，無令人失望。一輪串燒之後，接住嚟既宮崎式雞腿肉，係以鐵板上。肉嫩多汁，結合滿滿既炭火香，再以鐵板上去keep住個熱度，不同吃法，但同樣美味。超大個的飯糰，我只能淺嚐。原來係德島沙甸魚苗的口味，都幾特別，值得一試。上次午餐來食過南蠻雞，念念不忘，所以指明要『安哥』。肉質富彈性，跟上酸酸甜甜的南蠻汁
今日，約左班朋友去棉登徑既木戶食串燒！之前來食過lunch，佢既鍋物同埋南蠻雞都唔錯，所以對呢度，係有信心既。
以福岡水果蕃茄打頭陣，呢期都吃過唔少次此品，清甜多汁，炎炎夏日食呢個來打開胃口，岩數。
福岡蕃茄好味，福岡既青椒其實都好有水準，爽脆清甜，配些咸香的麵豉醬一齊食，幾有驚喜。
鰻魚肝係香港比較少機會食，甘香而口感帶點點煙韌，不俗。
接著來是一系列的串燒，雞腎爽脆而唔會硬轟轟；大和雞腿肉，是真正有肉味，加上炭火香，好吸引。
燒雞肉丸咬落唔會好鬆散，中意佢混入軟骨，口感更加豐富，沾上日本蛋既蛋汁同吃，那有不好吃的可能?
韭菜芝士豚肉卷，豚肉與芝士從來合拍，帶點生的韭菜，那股微微的辛辣，亦非常討我歡心。
愈邪惡既東西就愈好食，跟住嚟既大和雞雞肝，粉嫩可口，只能大說一句膽固醇萬歲。
牛舌唔係厚切，不過口感還好，無令人失望。
一輪串燒之後，接住嚟既宮崎式雞腿肉，係以鐵板上。肉嫩多汁，結合滿滿既炭火香，再以鐵板上去keep住個熱度，不同吃法，但同樣美味。
超大個的飯糰，我只能淺嚐。原來係德島沙甸魚苗的口味，都幾特別，值得一試。
上次午餐來食過南蠻雞，念念不忘，所以指明要『安哥』。肉質富彈性，跟上酸酸甜甜的南蠻汁醬，一貫的高水準。
最後係非常出色既鰻魚爐燒，鰻魚肥美，魚皮燒香，合心水，簡直有置身日本的感覺，可以食左當去左。飽到甜品都食唔落了~
Post
