Video
Read full review
2024-01-24
1494 views
呢一日是參加完小朋友活動之後要食晚餐，馬鞍山朋友推介呢間餐廳。呢一餐飯本身由我入座之前少少唔高興，變咗最後感覺到滿滿嘅溫暖，所以特登寫咗篇長文讚賞呢間小店。本身見到有六人枱只係坐咗兩個客人，餐廳都唔俾我哋入去，有少少唔高興😕，因為六人枱明明係可以分拆到三張二人枱分開坐。餐廳有解釋原因係因為流感高峰期盡量唔好坐咁埋，餐廳有話好快有枱㗎啦，請等多一陣，態度都OK。我估可能嗰度係通道位置，所以打橫6人枱唔可以分拆開啲枱。晚市6點開，我哋3位6:15去到要等，以為起碼都要等到7點，點知6:30真係有位🤣，香港人食嘢真係快。朋友介紹要食豬手麵，所以叫咗個豬手麵，酸辣麵同埋餃子，仲有大杯熱豆醬 。個麵係我鍾意食嗰啲軟腍腍嘅麵，湯底唔會咸又好夠味，我飲了半碗。餃子都都好好食，唔係嗰啲急凍餃子。本身想叫個菜，點知豬手麵同埋餃子入邊已經有好多好多生菜，完全唔需要叫多一個菜食。喺我哋食嘢途中，我估係老闆娘，聽到佢同個老人家傾偈，送咗個小食請老人家食，話係做多咗唔好浪費(一聽就知呢啲係氹老人家嘅說話🫶🏻)。老闆娘之後上菜去到另一枱，同一班後生仔女傾談，問下佢哋外地返學點樣之類。臨走買單嘅時候，我同老闆娘都傾
呢一餐飯本身由我入座之前少少唔高興，變咗最後感覺到滿滿嘅溫暖，所以特登寫咗篇長文讚賞呢間小店。
本身見到有六人枱只係坐咗兩個客人，餐廳都唔俾我哋入去，有少少唔高興😕，因為六人枱明明係可以分拆到三張二人枱分開坐。
餐廳有解釋原因係因為流感高峰期盡量唔好坐咁埋，餐廳有話好快有枱㗎啦，請等多一陣，態度都OK。我估可能嗰度係通道位置，所以打橫6人枱唔可以分拆開啲枱。
晚市6點開，我哋3位6:15去到要等，以為起碼都要等到7點，點知6:30真係有位🤣，香港人食嘢真係快。
朋友介紹要食豬手麵，所以叫咗個豬手麵，酸辣麵同埋餃子，仲有大杯熱豆醬 。
38 views
0 likes
0 comments
個麵係我鍾意食嗰啲軟腍腍嘅麵，湯底唔會咸又好夠味，我飲了半碗。
餃子都都好好食，唔係嗰啲急凍餃子。
44 views
0 likes
0 comments
23 views
0 likes
0 comments
本身想叫個菜，點知豬手麵同埋餃子入邊已經有好多好多生菜，完全唔需要叫多一個菜食。
喺我哋食嘢途中，我估係老闆娘，聽到佢同個老人家傾偈，送咗個小食請老人家食，話係做多咗唔好浪費(一聽就知呢啲係氹老人家嘅說話🫶🏻)。
老闆娘之後上菜去到另一枱，同一班後生仔女傾談，問下佢哋外地返學點樣之類。
臨走買單嘅時候，我同老闆娘都傾咗幾句，其實老闆娘好熱情好傾得。諗返轉頭，當時佢唔俾我同人搭枱都係為我哋好🤣，真係感受到有濃厚人情味嘅小店👍🏻，值得推介。
埋單$180 左右，好抵食。
Post
