凱柏冰室 (Closed)

同朋友行完海之戀，睇下水牌搵食先，決定食下港式野嘅冰室，但係商場轉左一圈都唔覺眼嘅，原來入口在外邊，港鐵出口C1隔離。入口係呢度，唔知遲啲商場開晒係咪可以通到呢？下午茶時段不算多人，但只能半數入座及1.5米下，基本上每隔張枱都有客呢。餐牌選擇不算多，點了一份午餐及一份下午茶。餐飲要了熱奶茶＆熱咖啡，奶茶幾滑喎，唔錯唔錯。咖啡標榜係即磨咖啡，咁的確比一般茶仔好飲，又香又夠熱，仲無燶味添，好怕茶仔個種煲定一大煲又賣不完的咖啡。兩杯都好飲，不加糖都無問題。下午茶要了午餐肉炒蛋三文治烘底，哈哈，即係餐蛋治啦～炒蛋好滑，午餐肉厚切，多士塗了不少牛油，加上烘過令牛油瀜掉了，真是簡單又好味呢。午餐點了經典冰室扒飯，自由配搭下選了香茅豬扒煎雙蛋蕃茄汁意粉。香茅豬扒大大塊，軟腍帶香茅味，加上煎得香口實屬唔錯。豬扒下有煎雙蛋，剛剛好熟還有微微蛋汁。意粉同樣被豬扒遮蓋住，哈哈，意粉彈牙有口感。仲有有驚喜的蕃茄汁，本而為會係茶仔的例牌紅汁，原來呢度係真蕃茄汁，醬汁中除了那兩片蕃茄外，還帶著濃厚蕃茄味，酸酸甜甜同意粉好夾，好味。餐廳幾好坐，價錢又不貴，係商場中的好選擇呢。