相馬日式火鍋 (Closed)

本身諗住係火炭住都無咩好野食，估唔到呢度有相馬，呢間質素好好既火鍋店，今晚就黎食120分鐘既火鍋放題！湯底揀咗甜豉油同埋中華辣湯，一個清淡啲一個就重味啲🤓甜豉油唔會太鹹，味道啱啱好，用來做邊爐有啲似壽喜燒嘅感覺😜中華辣湯就真係好辣🥵但好惹味好香口，越滾越出啲辣味，啱晒鍾意食辣嘅朋友👅任食嘅肉黎講都有啲基本嘅牛豬同雞，但係鍾意食牛既我地就專攻特選美國牛肩胛😎肥瘦啱啱好，雪花分布好靚，薄薄一片好快就會碌得熟，配合邊一個湯都好夾，好香好有咬口，好食💋任食嘅海鮮又係好味到爆，仲要又係好多款，我好鍾意佢哋嘅海蝦，真係好新鮮🫦蜆又係又大隻又冇沙，花螺都好靚👀仲有生蠔帶子都係任食，全部都好鮮味👄