樂糖 (Closed)

之前睇過一篇文章介紹店主二人曾經係喺五星級酒店任職，所以大家可以以平民價食到酒店級水準，而且見到啲甜品嘅配搭好特別好有創意咁，令我已經bookmark左想有機會就去試下！友人睇完啲相好快就決定咗要嗌金薯紫夢，因為好靚☺結果真係冇令佢失望，同相睇嘅一模一樣，望落去好grand✨個底係薑味啫喱，中間有蕃薯蓉，最上有小丸子蕃薯片同雪糕，仲有一小杯嘅薑汁另上，好似一碗蕃薯糖水西式化咁😝平時朱古力士多啤梨芒果多士盒就食得多，菠蘿多士盒就真係第一次見！本身以為可能味道會好怪，點知有驚喜！首先個賣相已經好吸引，同埋冇估到係用新鮮菠蘿唔係罐頭嗰種😋菠蘿好juicy仲有燒過，多士盒入面非常細心已經切好一塊塊，每塊都沾滿蜜糖，而且仲有雪糕同cream夾埋一齊食，份量十足！味道有甜有酸非常fresh👍🏻下次經過都會再嚟試下其他咁有創意嘅甜品