Video
Read full review
2021-11-30
343 views
今晚有朋友嚟探我，於是喺屋企附近搵嘢食。無意中比我搵到一間坐得好舒服嘅餐廳，地方好寛敞，重點係冇限時間！仔細觀察下發現原來係一間親子餐廳！炸帶子好特別嘅一個前菜，天婦羅醬加入左墨魚汁，令食物賣相變得有神秘感，內裏的帶子是刺身級，非常鮮嫩，配搭了自製蒜蓉醬，味道令人讚嘆！自家煙燻豬腩片卡邦尼呢個我夠膽講係可能到目前為止我食過最好味嘅Carbonara！豬腩肉自己切片同煙燻，食時帶嚼勁。上面鋪滿一層碎芝士，攪勻一齊食最好味！因為咁樣就會食到唔同口感嘅芝士，非常出色！岩手縣生蠔飯生蠔來自北海道嘅岩手縣，呢款生蠔係天氣凍嘅時間出產嘅係最好味！生蠔上面加上來自沖繩嘅海葡萄同埋梅水晶，味道帶點鹹香，而且仲好新鮮！而飯入面有櫻花蝦、紫菜，非常香口，又唔會好乾身，我自己就好鍾意。而最正係加$30有多隻生蠔，如果朋友唔敢食嘅話，廚師都可以幫忙煎熟隻生蠔，夠晒貼心！O.L.D chocolate 杯朱古力非常好飲，會飲到至少有三種唔同口感嘅朱古力，而且加左cream，口感幼滑，是必飲嘅item！Banana oats smoothie除咗有濃厚嘅香蕉味，唔知點解朋友仲好似飲到玉桂味，整體口感幼滑，味道唔會
今晚有朋友嚟探我，於是喺屋企附近搵嘢食。無意中比我搵到一間坐得好舒服嘅餐廳，地方好寛敞，重點係冇限時間！仔細觀察下發現原來係一間親子餐廳！
炸帶子
好特別嘅一個前菜，天婦羅醬加入左墨魚汁，令食物賣相變得有神秘感，內裏的帶子是刺身級，非常鮮嫩，配搭了自製蒜蓉醬，味道令人讚嘆！
自家煙燻豬腩片卡邦尼
呢個我夠膽講係可能到目前為止我食過最好味嘅Carbonara！豬腩肉自己切片同煙燻，食時帶嚼勁。上面鋪滿一層碎芝士，攪勻一齊食最好味！因為咁樣就會食到唔同口感嘅芝士，非常出色！
岩手縣生蠔飯
生蠔來自北海道嘅岩手縣，呢款生蠔係天氣凍嘅時間出產嘅係最好味！生蠔上面加上來自沖繩嘅海葡萄同埋梅水晶，味道帶點鹹香，而且仲好新鮮！而飯入面有櫻花蝦、紫菜，非常香口，又唔會好乾身，我自己就好鍾意。
而最正係加$30有多隻生蠔，如果朋友唔敢食嘅話，廚師都可以幫忙煎熟隻生蠔，夠晒貼心！
O.L.D chocolate
杯朱古力非常好飲，會飲到至少有三種唔同口感嘅朱古力，而且加左cream，口感幼滑，是必飲嘅item！
Banana oats smoothie
除咗有濃厚嘅香蕉味，唔知點解朋友仲好似飲到玉桂味，整體口感幼滑，味道唔會太甜！
整體而言，呢間餐廳非常有heart，每道食物都精心研製，食完之後唔知點解會令人有滿滿的幸福感❤️！
Post
