寶寶雞煲

Open Now

Now Closed

好耐無去太子砵蘭街嗰頭，原來依家變到成條食街咁。友人話想食打邊爐，經過寶寶雞煲，由門口望入去，都坐左7成人，應該有信心保證，入去試試先。 餐廳有兩層，整體感覺平實，傳統打邊爐格局，座位比預期中多。湯底我哋點咗個古方香辣雞煲，見有新鮮走地鬍鬚雞揀，一於試試佢。落單冇耐，先上兩杯飲品，真係名副其實嘅巨無霸裝嘅鹹檸七同凍檸賓，同打邊爐真係絕配。湯底一上就聞到濃郁的香料味，味道豐富，走地鷄皮脆肉爽、雞味濃，脂肪又少，正！推介嘅配料有來自貴州牛頸脊，肥牛油脂分布平均，肉質有光澤，放落湯底滾兩滾已經食得，而且牛肉味濃郁，忍唔住又encore多碟生蝦好鮮甜，彈牙，忍唔住食完一隻又一隻三寶丸：牛丸彈牙juicy 、墨丸、鯪魚球各部特色，好味貴花蚌新鮮又彈牙鵝腸乾淨、多膏又爽口整體今晚都好滿足，食材新鮮，收費合理，而且店員亦有禮，服務𣎴錯！下次亦會再encore！