極尚大喜屋 (鱷魚恤中心)

Open Now

Now Closed

三人行晚餐食放題，選擇觀塘鱷魚恤中心極尚大喜屋，勝在交通方便，食物選擇多樣化，安排好坐位就分工合作，朋友用電話點選食物，我就自助區攞嘢食。自助區自有多個飲品櫃樽裝罐裝飲品，果汁、即磨咖啡、清酒梅酒都係任飲，有熱食、湯水、冷盤都攞啲嚟食。朋友點嘅食物已到，點餐流程快速齊全，刺身有甜蝦、赤蝦、八爪魚、多款魚生、松葉蟹腳、赤貝、北寄貝、帶子，以放題質素絕對係高質，大致上都係好新鮮亦係鮮甜。壽司有廿多款差不多點齊，今日我最愛係煙鴨胸鵝肝多士，鵝肝甘香嫩滑，鴨胸咸香中和了鵝肝肥膩感加上多士香脆美味。另外藍莓芝士軟殼蟹卷同三文魚子軍艦都係必食。醉鮑魚有酒香彈牙入味，黃金焗帶子醬汁出色，金蒜炭燒廣島蠔夠新鮮肥美，炸蒜非常香脆。今日燒香草羊鞍小小羊騷味，燒到外焦內嫩，點芥辣就更惹味。最後重回自助區揀選甜品同雪糕，甜品同高級品牌雪糕任食，今天放題晚餐好滿意。