Pizza Maru (朗豪坊)

Open Now

Now Closed

聽朋友介紹依間既 Pizza 唔錯，所以去朗豪坊試下。餐廳係Food court 嗰層，好易揾，不過地方唔算大，同埋有限時。食物份量都好大，我地叫咗3 個招牌菜式 Share 食。-  Maru 秘製青口鍋藍青口係中等 Size，大細都算 OK。秘製汁有啲似白汁，有香料，忌廉，白酒香味，味道適中，食完一隻又一隻，好快已經搶曬。- 蒜香甜辣秘製炸雞韓式炸雞，係炸雞上面加醬汁，作為調味，又保持到脆皮。蒜香甜辣醬，其實係唔辣既，不過可以增加炸雞既風味，而且雞肉係好juicy。- 芝心Maru 大哥 PizzaPizza 主要有Maru 香雞，車厘茄，馬里拉芝士，同埋有好多配料，十分豐富。蕃茄，芝士味好濃，不過有酸忌廉平衡番味道。Pizza 係薄底，超鬆脆，所以食多一兩塊，都ok。一次過可以食到藍青口，Pizza，炸雞，而且水準又高，真係滿足所有願望。