八幡屋涮涮鍋

Open Now

Now Closed

呢度既D4套餐最近做緊優惠，係半價嘅優惠👀真係超級抵，本身勁多高級嘅嘢食，所以超級豐富，一定要去試吓，唔可以錯過！🍤熱食佢哋嘅熱食都放喺自助區，可以自己慢慢揀，試咗佢哋嘅忌廉汁青口同咖喱魚蛋都非常美味，忌廉汁好濃郁青口好入味，而且好大隻好鮮甜，魚蛋亦係正宗嘅香港味道咖喱味好濃好香，魚蛋好彈牙，開胃啱晒！刺身🍣刺身選擇相當多樣化，無論係三文魚、吞拿魚、赤蝦、帶子定係榮螺，都非常新鮮美味，每樣都好鮮甜，質量非常高，且切割得非常精緻，每一啖都傳遞出海鮮既鮮甜味道，對於中意食刺身既食客黎講，呢度簡直係一個天堂！🍲任食火鍋配料無論係雞腿肉定和牛，都新鮮滿分，俾人一種嫩滑多汁既口感，搭配上火鍋湯底，絕對係一種無與倫比既享受！無限量哈根帝斯🍦無論係年輕人定小朋友，大家都非常中意呢隻貴價雪糕，完全係完美結束呢場放題！