Video
Read full review
2018-10-10
103 views
昨日同朋友傾計個時講開好想食辣野，但係太多野想食，心入面又想食水煮魚同香鍋，但又好耐無打邊爐，好想烚吓烚吓。朋友就搵到依間四川餐廳，所有我想食嘅野都有，實在太美好。所以一收工就衝去食啦。幸好今日收工準時，嚟到唔駛等位就可以入座了。餐牌上嘅選擇實在太多，竟然仲有炸饅頭，好想食啊，不過我忍住咗，因為今日嘅目標係食辣野！最後就叫咗個中辣冷鍋麻辣魚$148 (加蟹柳$35、凍豆腐$25、萵筍片$28)，以及麻辣雜錦香鍋$232(加花枝丸、四季豆、水晶寬粉），再加一客麻辣肚絲$55做小食，飲品方面就叫咗蜜桃沙冰$32同凍杞子菊花蜜$22。麻辣肚絲先上，辣度適中，而且肉質爽口，入面仲有花生，唔錯。飲品方面我叫嘅蜜桃沙冰都唔錯，透心涼。而朋友叫嘅凍杞子菊花蜜就更加得我歡心，偷飲咗幾啖，覺得味道唔太甜，感覺更加養身而且清熱。冷鍋麻辣魚果然香味逼人，先食麻辣魚，食完可以再加湯煮配料。首先麻辣魚的香料比我之前食過嘅餐廳種類多，所以湯底的味道層次好豐富。入面仲有大量寬粉同芽菜，魚的份量唔少之餘質素都相當唔錯，魚肉又滑又嫩，而且好少骨，食起上黎又方便又滋味。食晒啲魚再加湯變火鍋就可以放埋啲蟹柳、凍豆腐同埋萵筍
幸好今日收工準時，嚟到唔駛等位就可以入座了。
餐牌上嘅選擇實在太多，竟然仲有炸饅頭，好想食啊，不過我忍住咗，因為今日嘅目標係食辣野！
最後就叫咗個中辣冷鍋麻辣魚$148 (加蟹柳$35、凍豆腐$25、萵筍片$28)，以及麻辣雜錦香鍋$232(加花枝丸、四季豆、水晶寬粉），再加一客麻辣肚絲$55做小食，飲品方面就叫咗蜜桃沙冰$32同凍杞子菊花蜜$22。
麻辣肚絲
$55
8 views
0 likes
0 comments
麻辣肚絲先上，辣度適中，而且肉質爽口，入面仲有花生，唔錯。
蜜桃沙冰
$32
8 views
0 likes
0 comments
飲品方面我叫嘅蜜桃沙冰都唔錯，透心涼。
凍杞子菊花蜜
$22
12 views
0 likes
0 comments
而朋友叫嘅凍杞子菊花蜜就更加得我歡心，偷飲咗幾啖，覺得味道唔太甜，感覺更加養身而且清熱。
冷鍋麻辣魚
$148
26 views
0 likes
0 comments
冷鍋麻辣魚果然香味逼人，先食麻辣魚，食完可以再加湯煮配料。首先麻辣魚的香料比我之前食過嘅餐廳種類多，所以湯底的味道層次好豐富。入面仲有大量寬粉同芽菜，魚的份量唔少之餘質素都相當唔錯，魚肉又滑又嫩，而且好少骨，食起上黎又方便又滋味。
食晒啲魚再加湯變火鍋就可以放埋啲蟹柳、凍豆腐同埋萵筍片落去烚吓烚吓了。蟹柳用上日式蟹棒，比平價嘅蟹柳更加有口感同好味，而且價錢又唔貴啵。凍豆腐索晒麻辣湯嘅味道，打邊爐的首選配菜啊。而萵筍片則是我食麻辣邊爐常叫嘅蔬菜類，因為感覺上無咁吸油，可以入到少少辣味之餘又保留到蔬菜的爽甜，好味道！
麻辣雜錦香鍋
19 views
0 likes
0 comments
而麻辣雜錦香鍋同樣惹味，麻辣雜錦香鍋本身已經有肥腸、大蝦、餐肉、土豆同埋蓮藕，基本上香鍋必叫嘅配菜都包含咗，不過我份人就貪心啲，再加咗花枝丸、四季豆同水晶寬粉，一上枱已經香味逼人，值得一讚嘅係肥腸非常入味，而且清得都幾乾淨。而大蝦同午餐肉份量都唔少，大蝦都幾大隻而且肉質爽口，午餐肉又厚切，如果土豆同蓮藕再多啲就好啦蓮藕、土豆同水晶寬粉都係香鍋嘅靈魂，炒得好香，索晒啲辣味，但又唔油膩。花枝丸同四季豆都唔錯，四季豆有預先炸過，所以特別香口。
紅糖桂花冰粉
20 views
0 likes
0 comments
食完職員仲送上餐後甜品－紅糖桂花冰粉，賣相非常精緻，碗碟同餐羹都係花瓣型態，單看賣相已經食指大動，紅糖同桂花味好清香。唔會太甜，好啱女仕食。
加埋一都係人均三百左右，以我哋咁貪心叫咁多野食同環境質素黎講真係算便宜，仲想讚一讚職員嘅服務態度好好，經常主動過黎問我哋需唔需要加湯或者將個火較大細，埋單個時仲問我哋覺得味道如何，感受到餐廳對食物嘅誠意，希望佢地繼續努力，會再黎幫襯的。
Post
