木船 (Closed)

平時只會去九龍城食泰國菜，估唔到有一間高質素，而且食物美味嘅泰國菜位於太和附近，我哋就去試吓晚餐。餐廳位置開陽，位於十字路口附近，而且招牌七彩繽紛，一過馬路已經見到，容易搵到。泊車非常方便，可以泊門口出面嘅咪錶位。餐牌多款選擇，圖文並茂，每一款實物圖片都好吸引，而且飲品多款式，實在好難選擇。首先來了兩款前菜，包括泰菠蘿沙律及Combo小食拼盆。泰國菠蘿沙律非常特別，賣相好吸引，當中包括士多啤梨、芒果同埋菠蘿三種水果。菠蘿入面裝有一條條嘅雞肉，食落去肉質鮮嫩，而且有少少辣嘅味道，菠蘿味道亦都好入味，一次過有唔同味道喺口中。另外唔係炒嘅街頭泰北生菜包呢個菜式名稱非常特別，生菜非常新鮮爽口，包住少少辣嘅肉碎一齊食，更加滋味。主菜方面包括青咖喱帶子意粉、鮮蝦炒金邊粉同埋泰式辣蝦膏炒飯。當中嘅鮮蝦炒金邊粉面頭有好似網狀嘅蛋鋪喺面，非常有特色。食落去金邊粉滑溜，而且當中配料非常多，特別係鮮蝦，非常爽口。飲品方面夠晒特色，當中包括迷紅小象、新鮮柚子沙冰、香茅特飲同埋帕差拉吉帝雅帕 (泰膝D)，呢一款用泰國語音命名飲品名稱，非常特別。迷紅小象係士多啤梨沙冰，味道鮮甜美味。由於朋友生日，仲可以喺度切埋蛋