Green Orange

去開上環總係想起Green Orange呢一間嘅晚餐，令人難忘的食材，環境好有情調，真係好適合二人世界，情侶，朋友嚟慢慢食慢慢享受嘅地方，侍應生又有禮貌。飲品~我哋選擇咗飲品1664生啤和橙汁經典凱撒沙律~有四塊巴馬火腿，減減哋好好味，新鮮嘅沙律菜加上黑醋汁和松子，健康又好開胃。法式千層薯伴三文魚籽~好精緻呀，望得出師傅嘅手工，將薯仔層層疊，一層一層鋪上去，外層好酥脆，內層就好嫩滑，再配埋大大粒嘅三文魚子加埋精緻嘅花朵和爆醬汁，入口好有驚喜呀。👍是日餐湯~甘筍湯望落去已經好creamy 湯好濃滑，有少少甜味，份量好豐富，真係食過不停，豐富好足料。推介👍燒長腳蟹配蟹膏忌廉汁意大利飯~長腳蟹入口蟹味香，意大利飯 juicy入口好creamy粒粒飯都被蟹膏忌廉汁鎖住，有菇菌和蘆筍配搭，食下食下又差不多食曬成個飯。推介👍燒BBQ美國豬肋骨~份量認真夠，有六七條豬肋骨，伴碟配料都好豐富，大番茄西蘭花一小碟醃青瓜和香脆薯條，豬肋骨肉汁好濃郁，烤得好香，入口好淋，真係好吸引。甜品~焙茶蕉糖燉蛋和 tiramisu~焙茶焦糖燉蛋，入口濃濃郁郁嘅焙茶風味，好滑，焦糖甜味啱啱好。tiramisu好大份啊！