茶記冰室 (Closed)

今日阿嫲生日，到石蔭邨同佢地慶祝，阿嫲話附近開左問新餐廳，杯茶都沖得不錯，佢朝早日日都去飮，佢話想試埋晚餐，於是一行5人去試試。我們6:30去到，不用等位，已經有幾多人食緊，坐低左，見裝修不錯，樓底又高幾舒服，不像一般餐廳格局，最緊要係小菜全部都送飯，湯同飲品，抵食，叫左條特價龍𧄌仔，份量不少，夠3-4人享用，可惜忘記左影相，另外叫左黃金蝦球，份量都好多，味道幾好，因為鐘意食香口野，仲有小炒王，咕嚕肉同啫啫通菜煲，咕嚕肉好爽囗，甜甜酸酸，都不錯， 通菜煲夠熱夠香囗。見隔叫左個西檸雞，好似吾錯咁。 整體來說都算抵食，加埋野飲都係平均每人70零蚊倒，下次會再光顧的！