牧羊少年咖啡館 (屯門市廣場1期)

Open Now

Now Closed

閒日11點半左右幫襯牧羊少年，唔算多人。比起星期六日及公眾假期時大排長龍，排一個鐘食一個鐘既話，閒日來牧羊真係一個好選擇。入座計時1小時45分鐘，都夠時間。點了英式all day, 餐湯及飲品，$118 另加一。老實價錢中規中矩，以佢既份量計唔係平但都唔叫偏貴。英式早餐，作為all day breakfast, 炒蛋是靈魂。牧羊少年嘅炒蛋夠滑，面上加咗一層黑松露醬，味道多了點層次，唔會只有蛋味，有黑松露點綴。佢既多士唔係普通白麵包，而係雜錦果仁加乾果。多士入口外脆內軟係基本，難得既係乾果有提子乾同埋杏脯肉，麵包本身有啲鹹味，配上杏脯肉平衡左呢兩種嘅味道，令到多士唔再係配角。香腸及煙三文魚，都明白係食品商既來貨，所以都無咩要求，正常味道。最後來一杯熱咖啡，如果美式咖啡可以另外配奶就好。因為個人偏好先飲半杯黑咖啡，剩下半杯加入奶，一杯咖啡可以有兩種味道享受，先叫識嘆咖啡。