蛇膠參滋補專門店

Open Now

Now Closed

抓住冬天嘅尾巴，今日凍返啲同老婆去食蛇羹。嗌咗個二人餐，份量好多，幾乎食唔晒，捧住個肚返屋企。 ✦ 脆魚皮整返熱先上枱，唔重油味，有魚香。 ✦ 秘製太史五蛇羹材量豐富，除咗蛇肉，仲有木耳、冬菇、雞肉、瘦肉、薑絲等，啖啖都有咬口。濃度適中，唔太杰唔太稀。底層有胡椒味，加埋蛇肉恆氣活血，好暖肚。 ✦ 花菇扣原條海參/ 花菇扣水魚裙邊鮑汁濃郁，慢火燜煮，入晒味。兩味都極重骨膠原，個人喜歡海參嘅滑溜口感、近乎入口即溶，老婆鍾意水魚裙邊較為爽彈。 ✦ 淮山杞子燉水魚湯/ 土伏零蛇龜湯大讚水魚湯，淮山健脾補腎、水魚滋陰養血，唔入廚嘅人應該唔知水魚有幾難處理，餐廳處理得非常好，乾淨、保留味道。土伏零蛇龜湯解毒清熱，比較濃郁，幾甜。 ✦ 龍躉頭腩煲仔飯/ 無激素雞煲仔飯龍躉頭腩又係另一道充滿骨膠原嘅菜式，份量非常多，魚皮嫩滑、魚味香濃、毫無腥味。無激素雞滑溜、厚肉、有咬口。 ✦ 椰汁燉雪燕食到呢到已經好飽濟，食返個冰凍甜品，少甜、滿足。 咁樣食法先三舊幾水，好抵食。