東海薈 (Closed)

雖然今年大閘蟹遲了抵港，但仍不減我對大閘蟹既熱情!今年再來到東海，已經唔記得連續第幾年了…XD喜歡其「大閘蟹 • 珍嚐套餐」，除了食到原隻大閘蟹之外，仲可以食到幾款蟹粉菜式，滿是滋味!先是蟹粉小籠包，以蒸籠奉上..熱辣辣上桌~外皮厚度剛好，不會太薄而一夾就破失去湯汁，也不太厚影響口感~咬入口饀料十足 ，濃郁的湯汁流出，鮮甜得來帶甘香~生拆蟹粉蒜茸包，真係兩塊唔夠喉，想食多幾塊~有一小窩生拆蟹粉除自己喜歡加在蒜茸包上，蟹粉配上脆脆的蒜茸包，實在是香口得來又惹味~個人建議在每咬一口前加上一匙蟹粉，這樣可每口都是滋味同時又不會影響蒜茸包的脆度~金黃色的蟹膏加上絲絲蟹肉，看見已令人流口水，蟹油滲進蒜茸包，入口啖啖蟹鮮，令人不禁一口接一口，所以兩塊蒜茸包真係唔夠喉..XD蟲草花北菇燉花膠湯，傳來陣陣香菇的香氣~用料也挺足!看見有北菇、花膠，正好在這秋冬滋潤一下~味道清甜帶菇香，北菇厚身有口感，也燉得軟稔~來到戲肉..大閘蟹!!!套餐包每人兩隻大閘蟹，每隻約4.5-5兩，實行可慢慢拆~雖然今年的大閘蟹不夠肥美，但蟹膏依然滿滿甘香，有點掛口，在口腔留有餘香～蟹肉實淨鮮甜，沾點陳醋，鮮味更出～時蔬 及