Le Rêve (Closed)

經朋友介紹，同女友試下呢間法日混合菜。而且每張枱都保留一定距離，營造出十分舒適嘅聊天空間。提提各位，麵包係放起火山石上面。主要係吸熱慢同散熱慢，保持麵包鬆軟嘅口感。首先係開胃菜（睇賣相我以為係甜品）經店員介紹先知主要材料係水魚。食落外皮脆脆，咬開裏面煙煙韌韌，浸出淡淡魚肉香。在食吞拿魚他他配竹炭脆脆的同時，眼球已經被下道菜吸引住。藝術品？其實係帶子配blue rain scallops,中間配上玫瑰花乾。絕對係視覺享受蘇格蘭蟶子，建議切開一小段，然後配上不同配料食用，包你有不同口感，味道嘅感受。淋上由湯打成嘅泡沫，令龍蝦入口時順滑，肉質又能保持彈牙口感，配上西芹做成嘅啫喱，感覺清新。如果配上龍蝦膏做成嘅醬，味道濃郁，又有另一味道。呢道鯛魚，外皮十分香脆，是將熱油淋上去，十分花工夫。內裏魚肉保持鮮嫩，連配菜的蔥亦非常好味，不可不試羊架配豆蓉紅酒燴梨，未食已經聞到香味。最後食埋甜品配茶，為今日畫上完美嘅句號，視覺同味覺都得到滿足。如果想同女友試 fusion菜，呢間絕對係好嘅選擇。Btw,果經理有d似黃浩信