漁火海鮮刺身火鍋

Open Now

Now Closed

我真係好中意打邊爐,同親朋友出去食野,我耐唔耐就會提議去打邊爐。第一次來「漁火」,呢間行高質路線。我地叫左壺茶,叫左老油鬼鬼呢款小食,係蝦肉釀油條,食到香脆既油條,又食到啖啖蝦肉,好彈牙。叫左招牌花膠響螺燉赤肉湯,佢地冇落味精,飲得出真材實料,只係飲個湯已係一大享受。食完湯,先食蔬菜。蔬菜拼盤,有小白菜,香菇,粟米等,粟米清甜。食左咁多菜再食肉,就冇咁濟啦!叫左一份大既本地新鮮手切牛頸脊,份量都好多,食落甘香唔韌,肉質鮮嫩。泰式刺身蝦好新鮮,點上特色泰式醬汁,口感一流。叫左一碟蜆,洗得好乾淨,放去湯到,一開口就食得,正呀!