Video
Read full review
2021-06-07
2300 views
朋友間曾有句好鬼衰嘅笑話「有得食，好快D食喇」到現在才知道呢個唔係一個笑話咁簡單，確實係一個真實嘅做人道理。😌不一定人到四，五十才有三高，現在未夠三十有三高，大有人在。不一定係老人家先要用假牙幫手食嘢，不少人要箍牙，甩牙，蛀牙，牙痛或者生飛滋，全部都會令你對食嘢失去興趣。好多人未到中年，老花、散光已經提早上演，冇咗副眼鏡，同盲咗冇分別，就算美食當前都不能仔細欣賞 🤣🤣🤣🤣仲有D因為要靚，要 keep 身材，唔多食嘢，又或者因工作關係要介口，冇得食嗰種人就更可憐。 真係有得食就好快D行動啦🤣🤣 老朋友生日，特別book 咗間大家好喜歡及有回憶嘅鐵板燒一聚，一於及時行樂，高興一番⋯⋯👏🏼👏🏼👏🏼👏🏼👏🏼👏🏼👏🏼👏🏼見到師傅將食物放到枱上，大家已經開始垂涎三尺🤤海鮮，牛扒，羊扒，鵝肝⋯⋯每款食物質數都好高，十分新鮮，分量十足，難怪經常爆滿，咁難訂枱啦 😅我們人數多，早在三個月前已經訂位，因為呢一餐大家都好期待 🥰🥰其中一位友人因為牙痛，唯有放棄鐵板燒改定食，但食物一樣好出色。沙律、刺身前菜，新鮮，汁醬配搭齊備，安排細心，稻庭麺柔軟細滑，韌度剛好，係幼身麺所以有爽口感覺，湯底清甜 👍🏼師傅出場
不一定人到四，五十才有三高，現在未夠三十有三高，大有人在。
不一定係老人家先要用假牙幫手食嘢，不少人要箍牙，甩牙，蛀牙，牙痛或者生飛滋，全部都會令你對食嘢失去興趣。
好多人未到中年，老花、散光已經提早上演，冇咗副眼鏡，同盲咗冇分別，就算美食當前都不能仔細欣賞 🤣🤣🤣🤣
仲有D因為要靚，要 keep 身材，唔多食嘢，又或者因工作關係要介口，冇得食嗰種人就更可憐。 真係有得食就好快D行動啦🤣🤣
老朋友生日，特別book 咗間大家好喜歡及有回憶嘅鐵板燒一聚，一於及時行樂，高興一番⋯⋯👏🏼👏🏼👏🏼👏🏼👏🏼👏🏼👏🏼👏🏼
見到師傅將食物放到枱上，大家已經開始垂涎三尺🤤
海鮮，牛扒，羊扒，鵝肝⋯⋯每款食物質數都好高，十分新鮮，分量十足，難怪經常爆滿，咁難訂枱啦 😅
我們人數多，早在三個月前已經訂位，因為呢一餐大家都好期待 🥰🥰
其中一位友人因為牙痛，唯有放棄鐵板燒改定食，但食物一樣好出色。
沙律、刺身前菜，新鮮，汁醬配搭齊備，安排細心，稻庭麺柔軟細滑，韌度剛好，係幼身麺所以有爽口感覺，湯底清甜 👍🏼
師傅出場，熟練手法，三兩下手勢，轉眼間鵝肝配多士出塲啦⋯⋯🤤
件鵝肝仲厚過塊多士 😲😲
雖然唔係第一次食，但仍然有興奮感覺 🤣🤣
特別係見到D油從鵝肝滴出嚟嘅情景。
不單係食材好，睇住師傅精湛嘅功夫，煎得鵝肝兩邊金黃，表面脆口，裡面剛熟，質地嫩滑⋯⋯真係一邊食，一邊舉起手指公 👍🏼👍🏼
三文魚皮煎得香脆，放在帶子上。
師傅將食物擺放到好似 Fine Dining 咁，除咗好味仲要加上優美 😘
羊扒完全食不到羶味，因為頂級嘅羊扒本應就係冇羶味，師傅配上調味，令羊肉味道提鮮不少，扒煎得半熟，兩邊有微焦香味道，肉汁全部被鎖住，肉質 juice 嫩滑 😋
見到師傅煎了兩次大蝦，有兩款不同嘅擺法👀👀 靚，好靚 😍 配金色碟真係好精緻，好貴氣，可惜唔係俾我哋嘅 😅
但我哋嗰碟一D都唔差，蝦肉彈牙，蝦頭有膏，肥美，蝦膏煎熟十分甘甜，齒頰留香😋😋
仲有牛扒，鐵板炒飯同甜品( 相片太多未能盡錄）
鐵板炒飯粒粒分明，細心觀看師傅如何製作，發現咗原來有個秘技，在家中亦實踐過係成功嘅 👏🏼👏🏼👏🏼👏🏼 但味道當然不及師傅嘅兩成功力啦 🤣🤣
綠茶奶凍配十勝紅豆，傳統日式甜品，微甜，不太膩，再加上沖繩菠蘿，非常圓滿的一餐，不單是肚皮滿足，眼見師傅精彩表演，食物擺設悅目，跟老朋友開心一聚，今日絕對係一個 💯💯 200分嘅午餐。
真心要多謝師傅 🙏🏼🙏🏼
Post
