沃川自家料理

Open Now

Now Closed

同家姐細佬睇演唱會，事先揀了呢間曾食過口碑幾好的日本料理，中午打電話訂位，6時準時去到，當時無乜客，比咗靠窗6人枱，店內大堂座位不多，有兩間榻榻米房間，店員好親切地推薦食物，再問定我們是否睇演唱會（我唸好多客在演唱會前來食飯）分三次落單，店員都有禮回應，食物真的好快到（除要時間準備的食品，店員會報上等候時間）沖繩啤酒🍻（$68）細佬飲池魚切片（$180）是日特價，（傷心相片對焦失敗）瓷碗墊冰底，魚片切得美，咬落有微爽口無筋，魚味濃而不腥，點一些跟上的酸醋汁吊味提鮮，更有層次！沃川黑醬油拉麵🍜（$108）濃黑醬油湯底，好濃而不會過鹹，我無食叉燒，配菜有芽菜及海帶，掛濃湯好清爽，麵條帶咬勁（喜歡的質感）不過掛湯能力弱，若夾起麵條就啜入口，味道就太弱，要用湯匙盛一啖湯與麵條一起吃才夠味，整體是好味的（在豚骨湯泛濫的拉麵中，我比較喜歡醬油或味噌湯的）粟米天婦羅🌽（$48）好特別，因粟米是鏟起只有一排粒粒粟米，裹上薄粉漿，粟米一夾起會易斷，粟米粒非常甜（是粟米本身甜度）好味苦瓜炒豚肉（$98）自己不喜歡苦瓜，只食得出爽脆唔太苦，炒蛋較濕（不知是否加了湯）配苦瓜幾好味，豚肉我無食極上大蝦濃湯稻庭烏