EAT ME Bar & Restaurant (Closed)

Eat me bar 位置方便，價錢合理，食物質素唔錯，所以今次又再去捧場～ 之前都係叫dinner set, 今次試吓單點先～溫泉蛋大男人薄餅$148溫泉蛋放喺正中間，賣相吸引～ 薄餅焗好香、好薄、好趣，有辣肉腸、煙肉、溫泉蛋、水牛芝士等，整體好夾，味道好好～ 招牌狂牛溫泉蛋芝麻漢堡配薯條$108賣相亦係非常吸引，溫泉蛋配埋醬汁，好似egg Benedict~ 漢堡係黑色嘅, 因為係黑芝麻做嘅~ 牛肉漢堡又厚，又好味，整體味道好好～ 薯條亦唔錯～芝士野菌沙巴翁忌廉意大利飯$88野菌好清新，芝士香滑，忌廉汁包滿意大利飯，香濃又好味～ 兩個人都係食咗$400，抵食又好食，晚飯之選～