Video
Read full review
2023-04-12
99 views
每次經過銅鑼灣呢個位，都會被呢間兩層高嘅餐廳深深吸引住🥹 二樓露天位置掛滿燈籠，充滿越南特色！美食都甚有越南風味，水準更是不錯👍🏻 🍖小食自選拼盤揀咗柑桔汁雞翼、香茅牛串伴秘制鹹蛋黃醬及豬肉春卷，每樣都有兩件，炸得香脆可口，沒有半點油膩感。雞翼帶有柑桔清香；用香茅申住嘅免治牛香茅味十足；豬肉春卷網紋酥脆，餡料都非常豐富。🍔自家製魚扎肉三味漢堡由三件巨型魚扎肉組成嘅漢堡，每塊味道不同，分別有原味、胡椒味和茴香葉。全是魚肉製造，非常彈牙！而我最鐘意胡椒味，辣辣地好惹味。還有一碟泰式辣醬，酸酸甜甜嘅增加魚扎嘅口感。🐥黃薑雞胸茴香葉撈檬好香嘅黃薑味！平時食開魚露撈檬，換黃薑醬又幾有特色。檬粉喺餐廳每日新鮮製作，口感較軟滑而且有彈性。一碗都有幾多雞件，肉質夠嫩滑，連同黃薑醬一齊食夠晒juicy!🍹 凍荔枝綠茶食咗咁多香口野，飲返杯清清地嘅荔枝綠茶，夠晒fresh解渴一流👅
每次經過銅鑼灣呢個位，都會被呢間兩層高嘅餐廳深深吸引住🥹
二樓露天位置掛滿燈籠，充滿越南特色！美食都甚有越南風味，水準更是不錯👍🏻
🍖小食自選拼盤
揀咗柑桔汁雞翼、香茅牛串伴秘制鹹蛋黃醬及豬肉春卷，每樣都有兩件，炸得香脆可口，沒有半點油膩感。
雞翼帶有柑桔清香；用香茅申住嘅免治牛香茅味十足；豬肉春卷網紋酥脆，餡料都非常豐富。
🍔自家製魚扎肉三味漢堡
由三件巨型魚扎肉組成嘅漢堡，每塊味道不同，分別有原味、胡椒味和茴香葉。全是魚肉製造，非常彈牙！而我最鐘意胡椒味，辣辣地好惹味。還有一碟泰式辣醬，酸酸甜甜嘅增加魚扎嘅口感。
🐥黃薑雞胸茴香葉撈檬
好香嘅黃薑味！平時食開魚露撈檬，換黃薑醬又幾有特色。檬粉喺餐廳每日新鮮製作，口感較軟滑而且有彈性。一碗都有幾多雞件，肉質夠嫩滑，連同黃薑醬一齊食夠晒juicy!
🍹 凍荔枝綠茶
食咗咁多香口野，飲返杯清清地嘅荔枝綠茶，夠晒fresh解渴一流👅
Post
