Lúa (Closed)

🍭Lúa🍭餐廳裝修特別, 樓高兩層, 掛上各色燈籠極搶眼奪目🏮今次就同朋友來打打卡, 食下綠色食物😝🌿生牛肉雜錦湯河 ($119)越南餐廳必點一定係牛肉湯河🐮湯底清甜, 唔太夠牛味, 好彩有芫荽, 即刻香十倍🤣可惜河粉煮得太熟, 一夾就散😅🌿潘切直送小墨魚春撈檬 ($168)而個撈檬應該唔係個個接受到🙈小墨魚食落去口感比較黏黏地, 有d食刺身既感覺🦑撈檬本身已經撈左汁, 酸酸甜甜, 開頭食都幾開胃,食食下就會夾雜住小墨魚既墨汁同魚春, 有dd腥既感覺, 個人就覺得一般般🙈🙈🙈🌿酸甜蒜香茄子粒 ($148)茄子外皮煎炒得香口, 肉質軟腍, 而且入曬味🍆酸酸甜甜, 仲有勁多蒜粒, 超香口超開胃😋🌿原隻椰青沙冰 ($118)個沙冰勁高, 份量好足, 打卡一流😂椰子味好濃且清甜, 都唔錯, 不過就貴左少少🙈🙈🙈🌿拉椰糕配手作蛋白餅 ($78)拉椰糕煙煙韌韌, 仲好香斑蘭味☺️自家製既蛋白餅好脆, 配埋拉椰糕一齊食, 口感豐富🥰環境的確係唔錯既, 不過價錢偏貴, 性價比唔太高如果for打卡既話, 可以試一次既~評分: 🍀🍀🍀