Video
Read full review
2024-11-08
0 views
難得假日去到香港區，咁決定要到西營盤搵間Café Chill 下，最後搵到位於朝光街的Tripica。點解揀中呢間主因有兩個，第一個係為左杯咖啡，店內有一咖啡師曾獲「2017年香港虹吸式咖啡師大賽」亞軍。而第二個原因係呢度雖然係一間舖，但其實係融合咖啡、鮮花與陶瓷的藝術氣息，都幾特別。一入到去，好似去左綠洲咁，周圍都係植物花草，完全係進入左另一個世界，暫時可以忘憂，專注享受咖啡同美食。今次除左要試呢度的虹吸式咖啡外，仲揀左呢度出名的意粉同埋Sourdough Pizza。<Shrimp & Tomato Basil Spaghetti>意粉炒得唔錯，除左香料同番茄外，仲加左黑椒，所以食得出有刺激味道。加上用洋蔥去炒，味道更加惹味。蝦好大隻，煎得幾香。<Sourdough Salami Pizza>本身之前都有食過用Sourdough做餅皮的Pizza，雖然呢度話係Signature，但因為之前都食過，所以唔會有過大期望。不過一上枱就顛覆左我對Sourdough Pizza的認知。原來佢真係用Sourdough Bread做為Pizza，麵包部份外脆內軟。
一入到去，好似去左綠洲咁，周圍都係植物花草，完全係進入左另一個世界，暫時可以忘憂，專注享受咖啡同美食。今次除左要試呢度的虹吸式咖啡外，仲揀左呢度出名的意粉同埋Sourdough Pizza。
<Shrimp & Tomato Basil Spaghetti>
意粉炒得唔錯，除左香料同番茄外，仲加左黑椒，所以食得出有刺激味道。加上用洋蔥去炒，味道更加惹味。蝦好大隻，煎得幾香。
<Sourdough Salami Pizza>
本身之前都有食過用Sourdough做餅皮的Pizza，雖然呢度話係Signature，但因為之前都食過，所以唔會有過大期望。不過一上枱就顛覆左我對Sourdough Pizza的認知。原來佢真係用Sourdough Bread做為Pizza，麵包部份外脆內軟。由於本身係麵包，所以更加食得出內裏麵包的鬆軟感。另外配料都唔手緊，有唔少Salami同埋用番茄同芝士覆蓋，其實呢啲配搭點可能會唔好食先得。
<Siphon Coffee – Colombia>
最期待的虹吸式咖啡最於上場了，今次就揀左 Colombia咖啡，因為想味道偏向Fruity多啲。呢度飲的時候原來可以分為熱同凍飲。熱就需要用陶瓷杯，而凍就用玻璃直身杯，味道亦會有所唔同。一飲落去，味道真係好有底蘊同深度，齒頰留香，餘韻係口腔維持不斷。而熱的時候就有威士忌的味道，甚至後期我覺得去到砵酒的味道，甜甜地酒香的味道。整體都真係好Impressive，值得推介大家細味淺嚐。
今日同店員傾計後先知日頭同夜晚係好唔同，日間為咖啡店，而入夜晚則變為酒吧，咁下次搵日要係夜晚黎下先。
Post
