Video
Read full review
2019-01-12
6659 views
今日咁難得放假，決定自己去食幸福pancake。以為一個人容易入座啲。點知都係等、等、等、等、等。一心興致勃勃嘅諗住去尋找幸福，點知嚟到嘅時候見到條隊，個心已經沉一沉，唔知要等幾耐呢。問店員，個店員話應該都唔使一個鐘嘅。算啦難得放假又行到過嚟，等啦。我估我大約等左40分鐘啦，好開心呀同幸福嘅距離越嚟越接近！到我入座嘅時候，見到枱上面有張紙寫住「即點即做」，等候時間大約要等20分鐘；如繁忙時間可能要等40分鐘！咁我即刻落order啦！店員都好nice，服務態度OK！落完order時，聽到隔離嗰台不斷喺度講，「嘩咁耐嘅」。我開始有啲擔心。我繼續自己一個等、等、等、等、等。我嘅幸福到未？我嘅幸福去咗邊？就好似呢篇文章咁等咗咁耐都未見我講食物。。。Anyways，最後大概等左35分鐘，我嘅幸福終於上枱喇！我點左最original 嘅幸福pancake加雪糕。自己一個人食，又未到晚飯時間，好似好罪惡咁。因為等得太耐，前後都成一個幾鐘，好肚餓！每一啖都好鬆化，我個人覺得唔算係十分空氣感，都算有層次，有口感。兩邊烹調得啱啱好，個面金黃色，內裏軟綿綿。我另外叫咗個雪糕因為我唔係咁中意食cream。同埋
一心興致勃勃嘅諗住去尋找幸福，點知嚟到嘅時候見到條隊，個心已經沉一沉，唔知要等幾耐呢。問店員，個店員話應該都唔使一個鐘嘅。
算啦難得放假又行到過嚟，等啦。
我估我大約等左40分鐘啦，好開心呀同幸福嘅距離越嚟越接近！
到我入座嘅時候，見到枱上面有張紙寫住「即點即做」，等候時間大約要等20分鐘；如繁忙時間可能要等40分鐘！咁我即刻落order啦！店員都好nice，服務態度OK！
落完order時，聽到隔離嗰台不斷喺度講，「嘩咁耐嘅」。我開始有啲擔心。我繼續自己一個等、等、等、等、等。
我嘅幸福到未？我嘅幸福去咗邊？就好似呢篇文章咁等咗咁耐都未見我講食物。。。
Anyways，最後大概等左35分鐘，我嘅幸福終於上枱喇！
我點左最original 嘅幸福pancake加雪糕。
幸福pancake
$123
145 views
3 likes
0 comments
自己一個人食，又未到晚飯時間，好似好罪惡咁。
因為等得太耐，前後都成一個幾鐘，好肚餓！
每一啖都好鬆化，我個人覺得唔算係十分空氣感，都算有層次，有口感。兩邊烹調得啱啱好，個面金黃色，內裏軟綿綿。
我另外叫咗個雪糕因為我唔係咁中意食cream。同埋覺得排咗咁耐隊，冇理由唔食自己最鍾意食嘅嘢。雖然價錢比較貴，但係！呢個cream原來好好味！佢三大塊pancake，一球雪糕，其實係唔夠嘅！所以我都了「撩」咗啲cream嚟食。食下食下，發覺原來好好味好rich，好正！完全比得上個雪糕，所以其實唔需要一定叫雪糕。
一啖雪糕一啖pancake，或者一啖cream一啖pancake。我嘅幸福終於來臨了。
話咁快我一個人K.O.左三大塊pancake。正如歡樂今宵所講，「幸福」嘅時間過得特別快，又係時候同大家講拜拜！
總括嚟講¾嘅時間係等待，只有四份一嘅時間係享受。
我估要幸福嘅話係需要付出嘅。。。
Post
