鴻星中菜 (Closed)

見廣告話鴻星大閘蟹套餐又多又抵食, 於是琴晚一行4人去左海港城鴻星, 食生平第二次既大閘蟹, 7點入去,唔係好多枱有人, 個waitress 既服侍好週到, 有講有笑咁,唔錯唔錯; 之後等齊人(約8點)叫左個$1480既4人套餐, 漫長既"去飲"式晚飯正式開始....一開始食左蟹粉小籠包同兩輪(1王1后) 既大閘蟹後,足足等左大半個鐘, 個經理先走黎問你食唔食豉油雞, "我地個餐係食脆皮雞架喎" 我地唔明白,所以問經理"冇, 多左兩隻豉油雞出黎, 想睇下你地想唔想轉o者" 經理答嘩!脆皮雞貴過又好味過豉油雞, 咁即係搵我地笨o者, 打死都唔轉....又等多陣先有個翅黎, 但係黎既係兩碗不知名既羹, 個餐明明係燕窩蛋白燴翅喎, 點搞架, 脾氣開始黎...跟住食多成個鐘之後先黎條石斑, 一叉開, 仲有血色架喎, d肉黏住條骨, 擺明唔熟啦! 跟住叫個侍應黎換左佢, 點知佢夠膽死翻蒸俾返我!有冇搞錯呀! 魚點會翻蒸俾個客架! 咁大間酒樓咁做野既? 搵個經理理論, 佢應承蒸過一條俾我, 仲話15分鐘就得, 點知等左30分鐘都仲未有, 再催之下都要等多10分鐘... 食完之後望下個錶: 11點!