Le Viet (Closed)

今日天氣好好，陽光普照，同朋友去左旺角中心呢間越南料理餐廳食晏，坐低之後叫左兩個午市套餐-生牛肉湯粉($64)，同埋去骨海南雞飯($68)。生牛肉湯粉裡面啲生牛肉夠薄夠大塊，最喜歡啲牙菜仔同羅勒葉用透明玻璃管present出嚟，玻璃管裡面仲放左清水，令人感到牙菜仔用羅勒葉都好似新鮮水種出嚟咁。去骨海南雞飯啲鷄肉夠滑，皮丶肉分明。餐飲要左即磨咖啡同埋椰汁紅豆冰，因為唔習慣越南咖啡太甜，所以叫左即磨咖啡，想不到有驚喜，即磨咖啡夠香，加埋奶之後仲變得更香滑，椰汁紅豆冰雖然紅豆唔諗，但係好香椰汁味。另外又叫左一客扎肉蒸粉包，上枱之後見到每個粉包都漲卜卜，裡面好多餡料，入口啖啖肉碎，見到啲粉包有生菜伴碟，一於整個生菜粉包食，一樣好味道。