Video
Read full review
2020-11-17
150 views
好耐冇食潮州菜了, 所以為食友問我食唔食潮州私房菜, 我即刻lur飯應, 一係唔食, 一食就食好的, 今晚嚟天后的樓上鋪潮味居食潮州私房菜。睇佢啲獎牌, 睇嚟廚師都有啲來頭, 第一次食潮州私房菜, 搞到我好期待㖭。店鋪裝飾充滿潮州懷舊style, 入口的玻璃窗放滿廚師嘅寶貝, 陳年花膠及人參等。店舖面積不大, 加上食肆限聚令, 今晚只有兩圍枱, 店舖由一對夫婦打理, 老公做廚, 老婆則上菜招呼客人, 不設walk in, 所有食客需訂枱, 訂枱時可與廚師溝通吃什麼, 廚師每時段都有特定菜單供選擇, 我哋今晚每位實收$750, 顧客可帶酒, 免收開瓶費。先來美味前菜三小碟 ~ 華麗仙氣登場, 非常吸晴的擺設, 樹上放了一碟家鄉豬腳凍及青瓜拌花甲, 樹枝掛上四條香煎小黃魚, 很別緻。**家鄉豬腳凍 ~ 豬皮煲到起膠再加上湯, 雪凍就成為呢碟美味嘅豬腳凍了, 豬皮好爽口, 混合埋啫喱狀上湯嘅鹹香味道, 充滿骨膠原的小食, 女士食完皮膚好似豬腳凍咁滑一滑。**青瓜拌花甲 ~ 爽脆青瓜伴鮮美花甲, 辣辣地的涼拌開胃菜前菜。香煎小黃魚 ~ 魚皮煎得脆卜卜, 魚肉仍能鎖住肉汁, 好嫩滑, 用少少
睇佢啲獎牌, 睇嚟廚師都有啲來頭, 第一次食潮州私房菜, 搞到我好期待㖭。
店鋪裝飾充滿潮州懷舊style, 入口的玻璃窗放滿廚師嘅寶貝, 陳年花膠及人參等。店舖面積不大, 加上食肆限聚令, 今晚只有兩圍枱, 店舖由一對夫婦打理, 老公做廚, 老婆則上菜招呼客人, 不設walk in, 所有食客需訂枱, 訂枱時可與廚師溝通吃什麼, 廚師每時段都有特定菜單供選擇, 我哋今晚每位實收$750, 顧客可帶酒, 免收開瓶費。
先來美味前菜三小碟 ~ 華麗仙氣登場, 非常吸晴的擺設, 樹上放了一碟家鄉豬腳凍及青瓜拌花甲, 樹枝掛上四條香煎小黃魚, 很別緻。
**家鄉豬腳凍 ~ 豬皮煲到起膠再加上湯, 雪凍就成為呢碟美味嘅豬腳凍了, 豬皮好爽口, 混合埋啫喱狀上湯嘅鹹香味道, 充滿骨膠原的小食, 女士食完皮膚好似豬腳凍咁滑一滑。
**青瓜拌花甲 ~ 爽脆青瓜伴鮮美花甲, 辣辣地的涼拌開胃菜前菜。
香煎小黃魚 ~ 魚皮煎得脆卜卜, 魚肉仍能鎖住肉汁, 好嫩滑, 用少少鹽醃已經好味, 成條魚除咗中間條大魚骨, 魚頭及魚尾炸到脆卜卜, 我全部食晒, 可補充埋鈣質呢
鵝肝拼鵝片
最吸引我係那片呈粉紅色, 似熟非熟的鵝肝.
**鵝肝 ~ 師傅話今日個鵝肝質素非常高, 睇得出, 像少女般幼滑嘅肌膚, 塗上一層薄薄的粉紅胭脂, 急不及待放進口裏, 鵝肝入口非常甘香幼滑, 有入口即溶嘅感覺, 卻沒有香煎鵝肝嘅油膩感, 簡單用鹵水汁吊味更能食出鵝肝的鮮美。
**鵝片 ~ 肥瘦適中的去骨鵝片, 可能鵝皮帶少去皮下脂肪, 鵝皮鵝肉一斉食, 又香又腍滑, 潮味居個鹵水胆香濃而不死鹹, 鹵水香料好純厚。
黑蒜螺頭燉花膠
原盅燉湯最能展示食材的真味, 湯料有黑蒜、螺頭、花膠、雞腳及豬展, 非常足料。
黑蒜有防癌治三高及保健功能, 花膠滋陰養顏, 螺頭提氣提血兼補腎, 加埋雞腳豬展既肉香, 啲盅燉湯不得了
黑色的湯汁可能係黑蒜出嘅顏色所致, 湯頭出乎所料咁甜, 非常清潤, 油脂又少, 滋補強身妙品, 中國嘅傳統飲食文化係得嘅, 食味食療兼備。
香煎家鄉蘿蔔灌漿拼潮州芋茸炸生蠔配芹菜汁及金桔油
香煎家鄉蘿蔔灌漿 - mix咗好多餡料, 鹹鹹香香, 拈芹菜汁食比較清新。
潮州芋茸炸生蠔 ~ 生蠔用芋茸包住, 沾上薄漿炸, 芋茸炸得乾身, 軟綿鬆香, 生蠔鮮甜juicy, 第一次食用芋泥包住生蠔炸, 拈甜甜地嘅柑桔油伴吃, 帶點果香, 特別又好味。
潮州蒜子紅炆大白蟮
先煎香大白鱔封住肉汁再炆, 白鱔啖啖肉, 吸收咗蒜及上湯的鹹香, 令鱔片更和味。
潮州雙冬羊腩煲配腐乳醬
呢幾日開始轉涼, 師傅話今日嘅羊件來貨非常靚, 做個羊腩煲補下身最好不過, 熱辣辣香噴噴上枱, 用乾蔥片、獨子蒜蘆筍冬菇及混合多種醬料炆製.
羊腩完美組合, 一層皮、一層薄脂肪再加一層羊肉, 分佈非常平均, 羊肉炆得好軟骨, 入口滑捋捋, 就算肉的部位都諗到有點鬆化嘅感覺, 汁液唔太濃鹹, 除咗柱侯醬及南乳味道, 還有爆炒過後的蒜香, 拈少許腐乳醬食, 惹味到呢, 塊皮好滑好正, 我覺得呢隻係羊bb來的, 羊皮及羊肉嫩滑外, 羊肉嘅羶味唔係好強烈, 只係少少羶香。
嫩口冬筍+爽滑冬菇, 入曬味, 冬筍完全無渣。
蒜子蝦干浸大芥菜
大芥菜以上湯燴到腍一腍, 芥菜本身有點苦澀味, 但煮腍後, 苦澀味冇曬, 反過來係吸收咗蝦干嘅鹹鮮, 原來芥菜都可以煮到咁冧甜, 等我自己買舊鹹肉及蝦干試下整先。
家鄉鹹肉炒麵線
麵線配韭菜及鹹肉絲, 炒得乾身, 望落去似米粉多過麵條, 食落口都有啲似米粉, 麵條帶點硬身, 韭菜及芽菜帶點爽脆, 鹹肉先爆出油份, 用嚟炒麵零舍香口, 如果好似我咁, 鍾意食乾身硬嘢嘅朋友一定like 爆。
糕燒羊肉拼燒汁及薄荷醬 (贈送)
Surprised.....老闆娘話廚師今晚整左個糕燒羊肉, 效果非常好, 私人醒左幾件畀我哋試下
老闆娘放上枱, 我唔知訂, 即時話....嘩! 脆皮牛腩正呀! 點知老闆娘話係脆皮羊腩! 真瘀皮, 瘀皮唔緊要, 最緊要有好嘢食, 羊肉用鹵水汁炆到腍曬, 炆好後拈一層薄薄炸漿脆炸, 外層脆卜卜, 肉質卻非常嫩滑, 另一件配薄荷醬食, 甜甜地, 好清新.
皮下呢層簿膜超正, 甘香軟滑, yummy。
白果清心丸綠豆爽
用糖漬白果, 配綠豆, 加上橙膏及老陳皮茸煲製, 又係調配比較特別的綠豆爽, 私房菜吸引之處, 就係廚師往往有自己嘅獨配煮法, 食法會有驚喜, 綠豆爽入口清甜, 帶有少許陳皮香及橙既清新香氣。
飯後果, 大大粒爆汁提子.
味味都係廚師精心炮製, 哈哈~好耐無飽到上心口的感覺了, 謝謝老闆娘的糕燒羊肉, 好味, 謝謝為食友帶來的紅酒及Whisky, 美酒配美食, perfect.
Post
