翡翠潮州小廚 (Closed)

黃埔又一新店🆕係翡翠拉麵小籠包嘅朋友舖頭大 位置擺設闊綽 坐得幾舒服餐牌:叫咗6碟餸 1粥 2甜品 3碗白飯1️⃣金銀蛋浸菜苗菜苗青翠鮮綠 浸上湯入味又清淡 配上皮蛋同鹹蛋味 唔錯2️⃣懷舊咕嚕肉外脆內軟 皮唔會好厚 啖啖肉冇肥膏 佈滿甜酸醬同芝麻粒 餸白飯食一流3️⃣潮州蠔烙依個基乎個個都叫 因為係例牌潮州菜 蠔仔餅煎得薄而脆 麵粉一啲都唔厚 能夠突出蠔嘅味道 同時好足料 勁多又大又多汁嘅蠔 鍾意食蠔可以試! 雖然我本來唔鍾意蠔 但係都覺得比其他食過既蠔仔餅好食4️⃣雜菌牛柳粒一上菜勁香😍依個應該係廚師推介有冬菇同磨姑 多汁又香肉粒好淋又多肉 醬汁較濃 最好餸飯5️⃣鹽燒馬友🐟冇相 不過好大條吓 賣相唔錯魚肉多骨少 都容易起肉 而且啖啖肉添非常新鮮👍🏻6️⃣碧綠龍鳳球另一個廚師推介菜式有蝦有雞肉雞肉同樣好淋！蝦球更加出色🦐好新鮮 又大隻 咬落少少脆脆地醬汁味道適中👍🏻7️⃣鴛鴦水晶包食甜品滿足吓自己不過其實我唔太好蓮蓉/紅豆沙所以覺得普通 蓮蓉比較甜 好在外層水晶糯米部分冇味 平衡咗味道-小菜好食 猶其肉好淋 海鮮新鮮👍🏻只是偏油 但係這是好食嘅代價🤭好食就冇所謂啦甜品就麻麻 如果叫綠豆爽之類更是不值因為份量細