陳儀興飯店 (嘉悅)

Open Now

Now Closed

喺新蒲崗老店嘅陳儀興飯店係將軍澳有分店！？作為潮州打冷愛好者嘅我梗係要去試吓，地點雖然唔同咗，但味道依舊高質，而且價錢仲好經濟實惠，令人食唔停口🤤🍆魚香茄子黃鱔煲 $118 天寒地凍叫個煲仔菜暖吓身都好，新鮮整起嘅魚香茄子黃鱔煲，熱辣辣而且好保溫，食到最尾一嚿黃鱔都仲係熱嘅，而且茄子同黃鱔嘅份量都好多，茄子煮得好香好腍亦都好入味，黃鱔亦都好新鮮，啖啖肉，一條骨都冇，成個煲仔菜好適合餸飯🦑椒鹽鮮魷 $128 新鮮炸嘅椒鹽鮮魷，熱辣辣，非常惹味，金黃色嘅椒鹽鮮魷薄薄嘅脆漿包住，香脆可口，風味十足，魷魚新鮮爽口🍲老火燉湯 $68 係蟲草花燉雞，原盅嘅老火燉湯，健康滋潤又美味，熱辣辣，好適合喺呢排又凍又乾燥嘅日子飲，餐廳應該花咗唔少時間去燉，令到蟲草花同雞嘅精華都融入晒喺碗湯入面，除咗飲湯之外，仲可以食埋湯料，燉到好淋，而且味道都好好🪿滷水鵝件 $148 嚟到潮州打冷舖點可以唔食滷水鵝，滷水嘅味道香氣撲鼻，而且鵝件吸收晒陳年滷水嘅味道。鵝件除左肉嫩之外，肥瘦恰到好處，所以一啲都唔覺得油膩🦐蒜蓉蒸海大蝦 $208 新鮮嘅開邊海大蝦，隻隻都爽口彈牙，新鮮美味，配埋面頭嘅蒜蓉粉絲一齊食，簡直係畫龍點