潮味莊

Open Now

Now Closed

同朋友喺油麻地永安買完野🛍，喺後邊街覓食，見到呢間以彩藍色做招牌嘅潮州菜館，都幾搶眼，而且乾淨企理，入去試吓先。我哋坐卡位，坐得都幾舒服。我哋點咗：🍲潮州蠔仔肉碎粥$55蠔仔粒粒飽滿，大地魚湯底加入肉碎、芫荽、芹菜等，味道好鮮甜，份量亦足，可以分到4小碗，而且食完都冇口乾。🦢潮州滷水鵝片$118皮薄肉嫩嘅獅頭鵝，應該滷咗長時間，非常入味，鵝片下，仲有我鍾意食嘅滷水豆腐。再飲番啖冰凍嘅「可口可樂🥤$8」好正。🥬時菜$18我哋選咗芥蘭，顏色翠綠，簡單好食。我哋兩個女仔，每人約$100 ，幾抵食。